抗氧化的午餐

瞓得唔好，比平時早醒！
聽晚有gathering希望今晚瞓得好，聽晚個樣好啲啦！
我一唔夠瞓好易睇得出！但我又一定要睇完棟篤神探先瞓
唔好勸我早啲瞓，我早係瞓唔著既~
琴日臨返屋企前買定今日午餐，因為鐘點女傭上來工作，費事落街
晌italian tomato買定心頭好 blueberry chesse cake！
我鍾意佢係新鮮藍梅，因為大少爺唔鍾意chesse cake所以我唔會整
大少爺唔會出聲話唔食，佢仲會逗我開心而食，但我唔想佢為了逗我而勉強去食唔鍾意既食物
所以我唔會整，而且我無可能鯨吞一個芝士蛋糕
記得Cova初開業既時候，Blueberry chesse cake做得好好，濃濃既芝士味
但近年已經水準下降
Italian Tomato都唔算太好，不過佢既新鮮藍梅吸引到我！鍾意有藍梅抗氧化作用
無錯！我開始要抗氧化