Day 5 @ Tokyo 2009

琴晚隻機delay一個鐘
成差唔多11pm先至出到去搭車
當去緊旅行時係唔覺得疲累
但係回程時就覺得成身散晒

我每日都差唔多行成6~8個鐘
起碼休息番3、5、18日
無乜樹唔好搵我去街，我要休息下先！


住呢間酒店，訂完時我有後悔過
我見到好多人都話佢細、殘舊
同埋我睇相連床鋪都舊過人
不斷諗來諗去，決定加多少少錢叫agent幫我搵間好d既房
住35樓，33樓以上既房就會企理d，每晚都望住呢個view，其實都幾開心
人地希望會睇到青山綠水
我就只鍾意睇車行過、同埋五光大色

大少爺問我有乜分別？我話比我睇相既床鋪靚得多
仲有同款既攬枕，哈~~~仲有額外送既香薰味沐浴露
不過…我應該唔會再考慮住呢間

第5日check out後先去食大少爺一定要食既蕎麥麵

再最後綿力去行parco同sunshine city

今次買衫收鑊唔錯之外，餐具都幾好成績、飾物都唔錯
全靠我今次住 sunshine city prince hotel
每日都經過好多好多賣衫既店舖，飾物店又多

跟本行極都行唔完，買亦買唔完
同埋呢度既衫算係平，款式又多


仲有…我最鍾意去3 coins，因為佢賣純白色既碟，又夠多款

我只鍾意用白色既碟呢

已經買到連麻麻地鍾意既碟都照買喇！

仲有其他生活雜貨都好靚，連住隔離果間係1000yen店salute，好田園feel既

仲有呢盒不得了既小食
大少爺依然每晚要食杯麵，我都無咁好氣
總之返到香港唔駛望會有得食
佢今次發現呢盒甜點
哈！勁開心，佢每晚一定要買返酒店食
呢兩盒係買上機食既

其實即係類似呢杯雪糕上面有一粒沾滿黃豆粉既物體
我同佢都好鍾意食呢粒野，所以晌超市見到，大少爺就神魂癲倒啊

上到機忍唔住訓覺
我好少機上訓得著，亦因為咁，近幾年我都唔願再坐長途機
飛一轉英國，都已經好痛苦喇

今次由日本返港既餐好味得多！
我要海鮮、大少爺先雞

 

最後講下夾公仔
今次大少爺無夾大公仔
佢夾左3樣，其中一樣夾時似冬甩，實則係一對襪
佢已經進入研究狀態，即係佢唔係睇果樣野靚定唔靚
係睇佢既機會率、夾到既成功率、同埋夾到既機會比夾唔到大幾多？

仲有係....方位與角度

雖然每晚佢都去，但只係投資左幾百yen，但都有3樣

 .

大少爺生日之旅完喇！
希望我生日都有得去啦啦啦啦啦啦
不過萬大事去完新加坡先講~~~~~~~~~~~