熱.....冷

假期我同大少爺都無出外，唔想去太逼人既地方
大少爺話留返腳骨力去旅行時用
bUT....點可以留成個幾星期既呢？包保呢個幾星期唔駛要用腳骨力？

天氣時冷時熱
以為涼著多件衫，一出街又熱
以為熱著少件衫，出到街又涼

一早起身煲湯
煲花膠鮑魚准山杞子圓肉瘦肉湯

鮑魚只係冰鮮既鮑魚仔呢

*用鮑魚煲湯最好冷水時落煲，否則鮑魚突然遇熱會收縮，咁會令鮑魚變"UN"，變成鮑魚香口膠！仲要EXTRA嗰隻喎

攪到我頭都暈埋
連今日既午餐都同天氣一樣，有熱騰騰既湯
配.....................

哼~日式芝麻醬冷烏冬

午餐我唔會煮飯，咁大少爺呢類飯人，唔食飯就食麵架啦！