Happy Father's day

To:老豆

原本有份特別禮物送比你，但趕唔切，你生日時一定可以帶到比你

睡醒就晌廚房騰來騰去，就係為預備探你既食物

有台灣滷肉飯、同椰汁馬豆糕。放心~我一定記得要好凍好凍既可樂丫嘛

其實我諗好耐，呢個台灣滷肉又有肥肉、又夠鹹又夠甜你實鍾意

仲有為表示我已經識煲飯，當然有飯啦！

椰汁馬豆糕都係我整架！所有甜品你都鍾意既

罐可樂就勁啊！Zero你未飲過，我成個雪櫃都係，型過你

你曾經講過年紀越大對眼越深，我發覺我個樣越來越似你呀！

我張智能身份證個樣幾乎同你一樣，你唔會再話我醜樣啦！哈哈！

七年來每年父親節都會探你，就算我活多七十年仍然唔會改變

正如我無論喜、怒、哀、樂都會諗起你、甚至每一日你仍然晌我心裡面

從來未有一日遺忘你

相信我就算乜都記唔起，都會記得你既氣味與腳步聲