Mott 32

早於一個月前就去 MOTT 32 Tasting

久仰大名嘅一間中菜餐廳，餐廳裝潢有格調

入到去已經被每件擺設吸引著

今次亦有幸試到新菜式，總括來講做 得fine dining食物當然唔錯

做呢個tasting前，本身同好友Gloria講過想自己訂位食，因為大少爺喜歡中菜

轉個頭Gloria就叫我一齊去tasting

古法燒西班牙黑毛豬脢頭叉燒

據說原本叉燒用位置係唔同，但太多客人反影之前質感太柔軟

所以餐廳轉為用近頸脊位置，做出來柔軟之外變得更有嚼勁

酸辣小籠包  外皮用甘筍汁去染色，內裡酸辣味道其實都帶點麻香 

 黑豚肉松露鵪鶉蛋燒賣 

隻鵪鶉蛋係溏心的，難得包鵪鶉蛋後燒賣仍保持到小巧精緻

比著我做分分鐘拳頭咁大

鮮蝦脆皮腸粉

四川水煮桂花魚

水煮魚有紅色有白色，雖然呢個係白色但麻辣程度並無減少

魚肉保持嫩滑，湊巧地今年連續食過好幾位大廚做水煮魚

真係各有千秋的

黑椒牛柳酥

通常一望呢個造型就會諗起蘿蔔絲酥

但其實裡面包住黑椒牛肉，酥輕身而酥脆呢

西班牙紅蝦蒸蛋

呢個係當日最深刻印象，紅蝦通常會用晌意大利菜中

最常見係做pasta，但用紅蝦配落滑蛋上再加炸蝦頭係絕對美味

蒸蛋其實好容易做得到，但要晌蒸蛋上做出不同之處用料真係好重要

紅蝦帶有濃鮮味令蒸蛋有畫龍點睛昇華

到甜品時間：看menu有醬油雪糕都忍不住試

醬油雪糕反而帶點拖肥味道都不錯

另一個雪糕係奶茶味，奶茶味雪糕非常好味

 香芒椰汁糯米卷皮軟而薄

謝謝招待，也感激wunny跑上跑落為我搵傘，辛苦你了

大少奶's Delicatessen

宣傳你的專頁