Day 2 @九州

 今次去旅行，當然要遷就個仔

每日都安排一個節目比佢，等佢玩半日然後休息就到我同大少爺去行街

最開心係去麵包超人博物館，包包玩足4-5個鐘，佢累了兩日

裡面係能夠令你一入去就開心

*下面會教你點樣搭巴士去

每日都有表演既，但我入去時接近尾聲

如果錯過呢一場，下午3點半都會有麵包超人......既朋友出來同小朋友玩

包包同細菌小子玩得好開心，直頭跟埋人去玩，連Daddy mami都唔跟

我見到佢咁開心，自己好想喊

裡面有個滑梯，唔比家長陪

要小朋友用自己方法行上去，包包第一次離手行樓梯，自己一個行上去

好感動

我個仔大個仔了，想喊中

上到去會有姐姐教玩滑梯，但包包仍未好識玩

仲有一得彈彈波 area，包包晌裡面玩了成個鐘唔肯走

最勁係…佢走去撩人玩，不停比個波一個日本家長，比了幾十次

人家仍然好有禮貌同佢講"阿 li 加多"，但又唔肯比波波自己個Daddy

佢最喜歡細菌人

場館內仲有其他玩意

唔知點解…呢個滑梯我覺得好似…廁紙筒

包包見波就會執起再掉走，但呢個池既波其實係入面有磁石，用魚桿去吊起d波

攪到我勁唔好意思要幫包包執波再不停同人say sorry

其實包包以為係普通波波所以會拋走，但我身為媽咪要為佢既行為負責的

裡面仲有彈床，包包自己入去玩

包包一直晌個波波area唔肯走，突然我話：去食嘢喇

佢點頭就走

兒童餐，條香腸比我吃掉了，我禁佢食呢d加工食物的

其實唔期望佢真係好好味的，只在乎開開心心

正臭包

佢真 肚餓，玩到餓就食

我當然去買下嘢，但不停提自己唔好買太多玩具比佢

所以都只係買了一對水鞋、同d濕星物品

場內有間賣既衫仔質地好好！，當然價錢又貴d

不過貴極都只係 5000yen到，所以我都買件比個仔

之後成4點半要走了，包包喊了兩聲就走

之後就到大少爺重點行程去 APE

搭番 100yen巴士去天神大丸站落然後行去

入到去後勁失望，因為好細間，得一個好cool店員

然後無乜款，同東京澀谷間爭好遠好遠，款得一半，鞋就放入櫃，完全睇唔到

所以大少爺晌無乜款下去揀的，買完就繼續行

大丸，我細個每星期爸爸都帶我去，當然係銅鑼灣那間

陪到我大個就結業，我每次望親大丸都會記起那些片段

之後我地行parco、行一間唔記得名既百貨公司，又有行時裝店

買了兩袋就要去食晚飯

去釣 船茶屋，餐廳內有兩隻船

你可以揀釣咩魚，又可以唔釣

大少爺揀了釣鯛魚

好緊張的，好快就釣到了

是咁的…你如果釣魚，咁會平過就咁order

魚可以揀不同做法，我揀了鹽燒

大少爺釣既魚都幾大條啊

包包既兒童餐，但佢只可以食飯同粟米，其他大少爺食晒因為太多炸物

我唔想佢食太多

呢個炸魷魚鬚非常好味

枝豆

我獨食生蠔，呢隻日本蠔好好好食，好鮮甜

食完搭的士回酒店，呢間餐廳感覺新鮮，但位置較遠

我又一抽二袋，搭的士回酒店價錢同機場去酒店一樣都只係 1420 yen

搭巴士

晌博多站西口，有個大巴士站，個巴士站有 100yen循環巴士

而我去麵包超人館就搭往天神既巴士，再晌第12號巴士站落車，每個站都有號碼

巴士內既站都有中文好方便，而且...可以放BB車，唔需要收車的

如果去天神就搭去天神大丸站

100yen巴士有A車同B車，路線有小小不同，但去到咁上下就同路線的

我覺得好過搭地鐵

大少奶's Delicatessen

宣傳你的專頁