話說我偶然晌下午睇到電視劇集
誰家灶頭無煙火，見到介紹過茄子飯
於是令我好好奇
當然我本身對茄子都幾有好感，段估都唔會難食
於是我就一直諗到今日下午得閒去試
當然我唔會令佢咁單調
我加了烘過的櫻花蝦、蔥、甜豉油、再加蒜蓉
呢個組合跟本無得輸
個效過點都好過番茄飯，那個番茄飯腥哼哼咁
茄子只要你唔抗拒，咁佢加埋飯就會唔錯
做法簡單，立體咁滯~
茄子 1條
蒜蓉 適量
首先煲飯
咁照平時咁煮啦！煮到飯開始收水時就放上茄子，再煮熟就可以
而我呢因為用蒸爐，所以先將飯蒸10分鐘
然後放上茄子及蒜蓉蒸多15分鐘
蒸好後就加甜豉油、蔥、及麻油，一定要加齊先好味
喜歡的可以加少許櫻花蝦，其實放埋蝦乾入去蒸都可以呢
用了呢個爐一段日子
個底盤有水垢
但佢有個好處，唔需要買除垢丸
只需要加少許檸檬汁或白醋，蒸10分鐘
再抹乾就發現水垢已經去除呢
呢樣比我舊個爐優勝
大少奶's Delicatessen
宣傳你的專頁
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾