雙節棍

今朝睇大時代，睇到心都實埋

但丁蟹上庭段結案陳詞好好笑…我係一枝樹枝，後來幾了一條雙節棍

最後枝雙節棍做錯事，打死了張股票

我覺得佢講得好好笑

今日出奇地累，累得好緊要！可能好多日無好好去睡，又睡唔夠

所以晚餐想煮得簡單d，於是又整呢個雞絲冷麵

個麵唔係重點：重點係…個秘製汁

佢可以配皮蛋、配雞絲粉皮、冷麵、更加可以用來配乜乜物物

好好食的！

冷麵用上海麵，上海唔可以用冰水去浸涼，要先煮好個麵，再用室溫水沖至涼

雞肉用雞胸肉，搽鹽，搽多少少，然後蒸熟撕成雞絲

青瓜切條

重點來喇…

2-3人份量

中式芝麻醬    2湯匙

生抽                 1湯匙

浙醋                 1湯匙

糖                     2茶匙

蒜蓉                 少許

熱水                  1湯匙

麻油                  少許(要撈勻以上汁料，最後先加)

將以上材料攪勻就可以撈個麵喇！

食既時候可以加花生碎、蔥粒

佢真係好好味的，為悶熱夏天增加胃口

大少奶's Delicatessen

宣傳你的專頁