$198五道菜的鮑魚餐 @王子飯店

 早前同好友Isaac一齊去王子飯店午餐
Isaac特別為我揀選了特別招牌菜色
其實早前我都見不同食友介紹，位置晌尖沙咀1881
近日推出星期一至五$198午市鮑魚套餐，有5道菜式
假日則$268，講真呢個價錢算係抵食之選

50頭日本乾鮑，無錯！係乾鮑
50頭當然唔會好大隻，但做乾鮑功夫不少
我曾經整幾隻乾鮑用足四日，係功夫菜式
炆得乾鮑當然有個汁，濃香之餘帶點鮮，夠火喉但唔過火位

留意番…花膠套餐內唔包的

仲配上生麵，而生麵沾上鮑汁係合拍的，佢地絕對係friend

特色頭盤清酒煮鮑魚、京式煙燻素鵝 、五香金錢牛展
清酒煮鮑魚又係另一感覺

麻辣小籠包
初初食時感覺辣辣地，但慢慢滲入麻香
不過放心
呢種辣係點到即止的

木瓜無花果燉豬展湯

燉木瓜一年四季都飲得，無花果燉完無酸味

清而甜

法國鵝肝百花煎釀鳳翼

用蝦膠及鵝肝釀入雞翼，蝦膠係師父自己打

自己打既蝦膠你會食到裡面有蝦粒，並唔似用機打會將所有蝦肉都打爛
雞翼表要有層蜜汁同黑椒粒
當然再加入鵝肝係無得輸，如果散叫要$128一隻
但而家一個$198套餐就已經包埋
當然好抵

有Isaac在場，佢當然會介紹其他精選比我啦
豚肉叉燒，蜜味夠肉鬆化
帶點肥肉，不錯的

焗蟹蓋

坊間焗釀蟹蓋通當都係得好小蟹肉，其次係雜料
但你估下以下蟹蓋裡面係乜？

全個蟹蓋都塞滿晒蟹肉，仲要一梳梳既蟹同
老實講…當時我已經好飽，但見到咁多蟹肉又怎能浪費師父心機呢

鮑魚點心類中，仲有鮑魚酥，$58一隻

唔想食個撻皮，仲有鮑魚餃

又係$58一隻呢

不得了煎金蠔

釀了蝦膠既煎金蠔，金蠔既味較濃郁

配上彈牙蝦膠

最後有黑芝麻糕，我話過一定會跟住佢呢個味道研製的

哼~

大少奶's Delicatessen

宣傳你的專頁