川味十足@雲陽

川菜給人感覺辣，咁你認為川菜既辣係邊種辣？

又或者辣應該係點？

川菜既辣應該係多層次，因為正統川菜係混入唔同香料，麻香重過辣

所以喜歡層次感既川菜，可以試下雲陽

雲陽師父德哥佢擅用香料，亦敢於創新，晌菜式上運用大量香料

令到菜式除了傳統味道亦加了新意

先來前菜，怪味爆谷，用十種唔同香料去配爆谷，其中一樣係薑粉，所以初初我覺得爆谷似…蒸雞，哈



前菜四小碟
大蒜辣醬油豬肉片，感覺有點蒜泥白肉的味道
蹦蹦雞豌豆扁麵條...就像雞絲粉皮吧，但醬汁經過調製，非一般芝麻醬
素食豆腐板卷...喜歡這個，清清地



不得不提....燈影牛肉
先醃牛肉薄片再風乾，做成燈影也能透出光線既牛肉片
德哥席間教我自己做，但一想將牛肉切到薄一薄，我既刀功那可以做得到呢？



裹腳白肉，非一般既蒜泥白肉，醬汁用了魚腥草外，用萵荀去配白肉，比一般青瓜好，因為萵荀清爽但索汁後卻做成一個大對比
裹腳白肉既名稱由來係將白肉切成一條長條型，就似從前札腳既長布一樣
當然這又係我不能做到的，要豬肉切到咁薄，非一般刀功能夠做到的


芥菜醬漬三文魚..用豉油醃西米，配芥菜，呢樣又係想學既食物

面頭一粒粒既係用豉油醃過既西米，無錯！係西米

加上三文魚，底層係芥菜，將佢撈勻食後，就會產生一個化學作用

呢個我會努力鑽研的

男人的浪漫…魚香茄子酥
香酥既脆酥肉係魚香茄子
老實…係好食架！
我相信德哥可以試下…麻婆豆腐
個酥外皮做得酥而不膩已經無敵


蝦汁小籠包
個小籠包並非點醋，係用test tube將醋注射入內
個外皮真係好薄，湯汁又夠多，必試



戲肉來了…水煮魚
水煮因為用大量既油，令到魚或牛肉都會較滑
呢樣晌家做唔到的
水煮魚既辣帶點剌激，但又未到眼淚直流
同埋我覺得水煮魚有個本領，即使辣到有d頂唔順，但冷靜一下會想繼續食





三十三辣歡天雞鍋，用33種香料去做雞鍋，非香港式既雞煲，港式雞煲靠醬汁去令雞有味，但呢個鍋係做到件件雞都有香味
呢個反而唔算好爆炸辣，麻香較多



港式雞煲食完就打邊爐丫，咁川式呢？就係放入粗身刀削麵去撈番個汁

個麵感覺似鵝腸，當個麵撈汁後，汁掛上麵條上

變得爽而有味，可惜當時我已經飽，食力下降，否則可以食多d食多d啊

牛舌冷麵、用來清一清的

配配上皮蛋、蒜蓉做既醬汁，話飽話飽都繼續忍唔住試

黃炆原隻鮑魚..$158一隻鮑魚，用雞淆成濃汁，再去煮隻鮑魚，汁濃之外鮑魚仍十分嫩
睇個汁既顏色就知道要花多少雞及時間才能淆汁出來呢
呢個做法好食



甜品時間到
桃仁甜板..呢個甜品一定要試
外脆肉軟糯，唔太甜，好好食




四川花椒雪糕 ，雲呢拿味雪糕內有淡淡花椒香

天椒酒碎朱古力雪糕，朱古力同酒從來都係朋友

還有師父特製藍梅雪糕，為一餐惹味飯局帶來完美結局

雲陽：時代廣場10樓，喜愛吃辣的可以試試啊




大少奶's Delicatessen

宣傳你的專頁