晌我blog煲仔飯等同歡樂東華，每年到時到候差不多都會出現
你唔會覺得好凸出，但又會望下咁啦
煲仔飯同歡樂滿東華還有一個共通點……就係..............天氣凍時會出現
哈
煲仔飯我年年都係咁上下，都係有d雞呀、潤腸呀、飯呀、薑呀、乜呀、物呀
因為我dislike豬肉，牛肉配潤腸又唔太夾
所以有煲仔飯、有潤腸、有潤腸就有雞、有雞就有薑
係呀！點呀！又係呀！哼
今次我連step post，因為無黏底、有飯焦、呢個做法係咁多年來我最滿意既
好！
Look！有脆飯焦又唔黏，你地做得到架
首先……
晌個煲肉搽一層麻油
麻油有香味，又幫助唔黏既呢
落水同米，份易同你平時差唔多
蓋上蓋煮架！但要隔段時間開蓋睇睇進度
用中火，記住係中火
煮到d米索完水，又未熟，總之一乾水既時候………
放材料
醃料唔好大濕，例如我撈個雞，盡量剛好撈勻便可以
用生抽、少少鹽、糖少少、薑汁、酒、胡椒粉、生粉、最後少少麻油去撈佢，唔要多餘水份
否則你個飯會濕同埋黏身
跟住蓋上蓋煮到d雞變色但未熟透時，就....................繼續唔好理佢繼續煮
直到雞熟了，熄火唔好開蓋焗佢5分鐘，咁佢就剛剛好架喇！
Look，有飯焦又唔黏底(深色既係d豉油同汁既漬)，呢d咪雙贏囉
記住：全程用中火，唔好用大火，否則只有燒焦沒有飯焦！唔好豬豬喇
回覆刪除可以外賣嗎？
[ka man回覆12/14/2012 12:01:00]咁係咪買左個鍋，就可以日日外賣呀！
[版主回覆12/14/2012 11:38:38]你比$2500我買個鍋先丫！哈
回覆刪除你個隻係咩鍋?咁好嘅!
[版主回覆12/14/2012 11:48:40]LC是也~~~~~
回覆刪除請問大少奶, 是否全程都係唔蓋上蓋煮, 係煮好先蓋上蓋焗佢????
[版主回覆12/14/2012 11:48:19]全程蓋上蓋，但要得閒打開留意佢進度
回覆刪除出面食一次都好貴呀~(仲要冇咁多料!!)
最吸引係你D飯焦唔痴底!(飯焦係我同老公既至愛呀!成日食到底痴實哂好鬼哂呀!)
等我試下先，次次都黏底，浪費了很多飯，所以唔煮，如果有方法唔黏底，肯定成日整！
回覆刪除[Mr & Mrs Leung回覆12/14/2012 12:34:30]我同你相反, 成日都變左粥
回覆刪除請問, 煮白飯的時候, 係開蓋定閂蓋???
回覆刪除你隻LC係risotto吧, 如果用普通round cocette係唔係都ok架?
回覆刪除Thank you very much
回覆刪除最愛飯焦!
回覆刪除哩个我都煮倒，我又要哼~~~~~~先！
回覆刪除要學要學!!!謝分享啊!!!
回覆刪除請問米要唔要預先浸水?煮飯時是否米同水1:1份量就夠?謝謝!!