預祝各位新年進步、身體健康、萬事如意、龍蝦沙律~Yeah~~~~~~~~~~~~~~~~~
是日年廿九團年飯啊
好凍！好凍！越夜越凍
我等陣仲要去維園逼花市，得個逼字都要去逼
一年一次嘛
今晚表弟先生同表妹忌廉bun一齊來團年
我又整燒腩肉，今次買好大塊腩肉
所以分左一半比我教會姊妹啊
好脆，希望佢拎到返去仍脆啦！我呢塊脆過卡樂B，哼
我覺得呢張相好靚，所以唔放斬好既呢
好大塊啊
今次我買既肉唔太肥，所以用錫紙圍住個肉，只露出塊皮位置，咁下面既肉無咁乾，有大量肉汁
又係用may姐食譜，好滑，同埋好易整
只要焗烚隻雞，然後浸冰鹽水，就夠味又滑
一定要食既南乳炆齋
百花小棠菜
呵呵！食譜唔講得住
仲有湯丸煮緊，食完去逼花市
回覆刪除睇到都想食呢！
回覆刪除大少奶，今日跟你的食譜整咗兩底蘿蔔糕（第一次整咋），好正，謝謝分享啊~
回覆刪除去逼花市好凍喎今日...小心保暖啊! 每次睇你blog都睇到餓 :D
回覆刪除祝你地一家平平安安, 身體健康~
樣樣餸我都好想食呀......哈哈哈
回覆刪除新年快樂，心想事成，身體健康，步步高陞，萬事如意，財源滾滾!
回覆刪除祝 青春常註 事事如意 大吉大利 最重要係身體健康 同日日都咁開心
回覆刪除大少奶, 祝你身體健康, 靚足一世, 哈哈, 行運一條龍!!!
回覆刪除祝身體健康！美食源源不絕~~~~ 心想事成！
回覆刪除我都有跟may姐整佢個珊姐雞，都好得！
回覆刪除好靚o既燒肉