屋企正在整天花板工程，好大灰塵
所以我呢幾日都唔會點整野
最old school既甜品
自製綠豆雪條，好明顯係煲完綠豆沙整既
我第一次整雪條，細個想試整，比老豆發現，佢就會話呢d食左會肚痾
然後就比錢我自己落街買或者買比我
我唔係好明點解每次我放野入冰格佢就話咁樣會痾
佢一日到黑食街買雪糕又話無事架喎
前日我煲綠豆沙，打算靜靜地低調地將綠豆沙整雪條
然後比個驚喜大少爺
佢乜都放入冰格，乜都要變冰先食，不論涼茶、益力多等等一定要放入冰格
咁呢支綠豆雪條佢一定比個Like啦
點知佢突然好似小明咁跳下跳下走出來，雙眼發光咁話：好野！有雪條
我問：你點知？
佢答：我打開個冰格
我問：你無啦啦打開個冰格做乜春...............夏秋冬？
佢含羞答答咁答我：我每日都會不停開冰格
正...癲...佬
整綠豆或紅豆雪條時，首先倒d花奶落去雪硬佢，先再倒紅豆沙或綠豆沙
當做成雪條後，你會發覺加花奶後會好味d
感覺似紅豆冰或綠豆冰架架架架架架！
哼~
Fans page仲有新blog. Click here--->
回覆刪除打算靜靜地低調地將綠豆沙整雪條 ....... 這句很搞笑又好溫馨 .
想問(大少爺)的角色是老公還是令郎飾演呢?
回覆刪除我老公呢