2008年11月1日 星期六

just's a 粥


今日預備去街,休息兩日
踏入11月又開始好忙喇

時光倒流
我以前唔鍾意食粥
唔知點解........就算病都唔會想食粥
當然我唔識煲粥
到而家都煲得唔好既

但近呢年我瘋狂地鍾意食粥
鍾意到...........成日都諗要約烏GG去食粥
當然我因為鍾意落中環,好自然就會捉埋烏GG去陪我食粥啦

有次我同烏GG去正斗食粥
粥之外我會好貪心叫埋其他非粥類
每次去正斗我都係咁
連木瓜糖水我都要食
果一次我地晌正斗除左粥、仲有雲吞麵、炸兩、仲有菜、奶皇包、同奄春蛋燒賣、木瓜糖水
都無影晒,去到正斗總會貪心




但我最鍾意都係食羅富記
覺得佢既粥有細個時既味道
好原始,但係最好味既


羅富記必食炸鯪魚球


唔食皮蛋既GG,但會食皮蛋瘦肉粥




我當然牛肉粥啦







其實呢...........我仍然唔識煲粥..................噢!

沒有留言:

張貼留言

歡迎大家留言,但會先檢閱先會顯示,謝謝
此舉避免無聊九唔搭八人滋擾