試過嗎？

有試過一瞓醒後，感覺到自己好似剛拉完臉皮，比打botox更繃緊嗎？

有試過見到自己個鼻出現蛇皮嗎？

有試過個咀唇成為一個田字，因為中間有裂紋嗎？

唔駛怕，你只係乾燥之嘛！

噢！天氣轉冷，我最開心架
但係又逃不過乾燥
尤其係.............似水流年

所以我一起身就煲雪梨水飲，希望自己無咁乾，哼~~~~

有雪梨、南北杏、無花果、雪耳同冰糖，係我睇到小春煲就諗一乾燥我都要煲

大少爺好怕飲呢d雪梨水，佢鍾意就咁食雪梨
但係果d得個甜字， 乜乜堂雪梨物物茶佢就飲喎

簡單做法：

雪梨     3個

水         750ml

雪耳     一朵

南北杏、無花果   隨意

冰糖       自己調較

做法：

先將雪耳浸軟、雪梨洗淨去芯，但唔好批皮，因為營養成份晌果皮裡面

南北杏、無花果略浸，煲水至水滾放晒材料落煲，煲滾後轉細火煲40分鐘

熄火加冰糖調味