空手道

近日愛上咖啡味食物
咖啡雪糕、咖啡蛋糕
但偏偏我唔受得咖啡，唯有用咖啡味食物去代替

琴日整咖啡戚風，無理由都秋冬仲打風
你地唔好見到我整戚風就諗定放假啊

好多人問過我點甩模，其實我學整戚風蛋糕時係跟一本日本食譜學既
佢係教就咁用手甩，唔需要用刀刮架！

當然你個蛋糕要絕對成功先可以咁做啦！哼~~~~~~~~

1.先四週按壓
2.按壓後，蛋糕會回彈既     (戚風蛋糕成功既話，係會彈回)
3.倒轉個蛋糕模，然後輕輕將模向下推，就甩到

個軸心既蛋糕都係咁做，就完全甩模

同場加映
琴晚做台慶，我睇睇下電視
見到大少爺食薯片
我係除左食粥外唔食薯片
但見到軟殼蟹味就好奇，哈哈！真係有少少蟹味架

其實呢.........薯片越來越多....奇怪味