瘋戀三文魚

好多時都係一個人食午餐，我會選擇大少爺唔鍾意食但我又好鍾意既食物
而呢碟係我最鍾意既煙三文魚沙律
自從大約六、七歲第一次食煙三文魚後我就瘋狂地愛上
我爸爸生前同我都好鍾意煙三文魚，爸爸以前既上司多數係洋人
所以口味與作風都很洋化，而我既口味同佢係好一致
一包煙三文魚就逗得我倆父女高興
相反媽咪雖然已經差不多遊歷全世界，但口味就中國化很多！甚至抗拒西餐
早兩年舅父從加拿大回流返香港送左一包好大包既煙三文魚比我
我收到後連續兩日既三餐都只食煙三文魚
而上年我收到既生日禮物當中，聰明既表弟送煙三文魚比我，令我好開心既生日禮物！
其實三文魚無論生食、煙燻、熟食都一樣鍾意，我確實係三文魚狂！