2017年5月18日 星期四

沙冷hea

昨晚除了個水蒸蛋外,仲有主菜韓燒豬肉同海帶豆腐湯

相信好多人同我一樣覺得韓式醃味好好食

我唔係指一大pat醬撈完,樣樣食物一樣味果種醃法

反而係比較正帶甜醃法

我見到一個台灣食譜作者miss rose教整,於是又照跟

唔係個個話自己寫食譜嘅人都會令我照跟住做,呢個食譜望落係唔錯

主要用醬油、梨、糖漿去醃,exactly就係那種味道

而且用梨去醃肉,令肉天然鬆軟好好食啊!醃來做BBQ實得

昨晚食呢個韓燒豬肉、水蒸蛋同海帶湯又一餐

煮飯比家人食係一項樂趣,睇住家人開心食更大樂趣

包包近來學用筷子見到佢係咁夾係咁夾真開心呢

一個韓燒豬肉加一大pat泡菜就係好味


 海帶豆腐湯,每次我去食韓國菜對呢碗清湯特別有好感


食譜:

豬扒     4件
(可以換成雞、牛、五花腩肉)

梨    1/2個

蒜頭   4粒

醬油(或生抽)   3湯匙

糖漿(或燒烤蜜糖)    1/2湯匙

糖    1茶匙

麻油   適量

做法:

個梨係重點,去皮切一半


將個梨磨成蓉


蒜頭磨蓉、加入梨蓉、醬油、糖漿、糖撈勻


將豬扒剁鬆切件,放入醬汁內醃4個小時或以上


我用Grill pan去燒,大家可以煎

下次換成牛肉,大家一定要試呢


海帶豆腐湯


大家可以去買韓國海帶,將佢浸軟

份量...少呢度一半,因為呢度浸開原來好多


我好認真買韓國豆腐


海帶、大蔥、豆腐滾佢45分鐘

可以加牛肉去滾,海帶對皮膚好好既呢




大少奶's Delicatessen

宣傳你的專頁

1 則留言:

歡迎大家留言,但會先檢閱先會顯示,謝謝
此舉避免無聊九唔搭八人滋擾