2017年3月5日 星期日

Day 3 & 4 @九州

行程第三同四日都係由布院加 outlet

話說幾個月前我無從入手都唔知訂邊間旅館

有幾位朋友不約而同介紹 "有樂" http://www.urak.jp/

話服務好好同埋懷石料理好味

我上網search有樂係日本女士最喜愛既溫泉旅館頭幾位,於是就去book

去由布院去程book唔到由布院之森,回程先有位

於是我就由博多搭JR,唔使轉車一程過去到,途中一家三口都瞓晒


有樂離車站不遠,附近有間AEON超市,行唔過10分鐘就到了

我訂既係205號房,有廳有房有私人風呂、有浴室

記住!佢比較撲素,唔會係好豪華但服務好好,好nice

你會感覺親切,包包臨走時就話:我要再嚟







我比錢訂多個人床鋪,包包自己有床鋪了

原本好整齊,影之前那位包先生到亂晒


一去到有小茶點


浴室推門出去就係私人風呂,嘆三溫暖

晚飯前、睡前、睡醒後都浸一次


訂酒店時要寫明晚餐時間,要預兩小時(其實唔使咁耐)

有女將會送餐及幫你安排


先來前菜拼盤,每一度都好味

真的


其實我唔太食白色魚剌身,大少爺仲要一件都唔食比晒我





呢個係米漿包住南瓜蓉


野雞鍋



彩色粒粒係蝦丸、其次係菇同筍






大少爺出去買士多啤梨我食


自己就掃一籮食物,佢神經病的


大少爺食完消夜未夠11pm已睡,瞓得好好

8am起身再浸多次溫泉就食早餐了

早餐都豐富,之後就休息一陣行出去了


行出去車站附近又買d特產,然後夠鐘上車

晌由布院車站內有個溫泉浸腳既,居然車站內都有溫泉




好彩book到回程

呢部車好舒服,舒服到我一家三口上車無耐就瞓到落車


再返博多酒店check in,去搭 303號巴士去outlet

其實我對outlet無興趣,不過唔知去邊好又有車咪去囉

呢度LC抵買免稅之餘仲有折,同埋 AIGLE 水鞋都好抵 8500yen一對,無奶油唔買

佢係算大同埋有唔同品牌,但價錢其實唔係間間都有減價的

例如ABC mart買波鞋既話跟本同出面一樣價錢,同埋d小童波鞋貴過香港買




有間小cafe食了個下午茶


日本女裝太斯文了,近年喜歡買韓國衫


Anteprima 裡面無乜珠珠袋

佢賣既…我都唔太識形容


outlet內呢部機平過香港,但我無興趣


我以為會晌呢度大買特買,點知空手而回

因為無乜靚既


人人都話呢一刻佢好似我,哈





大少食買到 Van既 tee、一件外套、包包晌 Edwin買到外套外

我就買了一個LC煲同水鞋



行到夜晚就回程


唔該晒


返到去放野入Locker食麵做晚餐就休息了



2 則留言:

  1. 我想由布之森你到步劃位?定當日劃?
    係未好full?

    回覆刪除

歡迎大家留言,但會先檢閱先會顯示,謝謝
此舉避免無聊九唔搭八人滋擾