起點

好！講番個快樂週末起點

每星期最渴望大少爺放假陪我

講真…我一日到黑都週街去，但好少大少爺一齊去街咁

每個星期日都用大半日晌教會

或者同弟兄姊妹崇拜完去下家訪

再唔係就一齊搵地方去下

所以早幾星期一個最怕大自然同熱既人

就同弟兄姊妹去郊遊！

大少爺星期六放假就可以一齊去街

又或者叫埋表弟先生、表妹小姐一齊玩都會令我好開心

今次我就選擇同大少爺去街，去Sheraton酒店既雲海食鐵板燒

本來想試雲海既自助鐵板燒，但星期六、日都會好fulll

就要套餐，不過就算我食自助既，都只係食牛肉同海鮮

所以都無乜分別，當然自助既會有鵝肝，但我已經唔太愛鵝肝喇

套餐$380一款，自助午餐就$428，當然又好似自助抵dd呢

先來杯果汁，$18一杯好抵

牛肉餐同海鮮餐各一

每個套餐有沙律、剌身、主菜、雜菜、味噌汁、前菜、飯

套餐先來沙律，其實有兩款，另一款係蟹肉沙律，但無影相

仲有剌身，好新鮮呢

有幾款汁，一款配海鮮、芝麻醬配牛肉、仲有一款配蔬菜

醬汁係唯一我覺得要少少改善既地方

我覺得配海鮮既汁同芝麻醬唔夠濃啊

大少爺海鮮餐有銀鱈魚、三文魚同大蝦

仲有帶子，隻帶子好大隻，一隻分到四件，都鮮甜呢

我既七成熟牛柳..good

炒雜菜

最後有炒飯、前菜同味噌汁

一個好味既午餐後，就同大少爺去行街

呢個午餐係我快樂週末既起點呢

雲海有facebook既，有興趣睇詳細資料就-->  Click here

Fans page仲有新blog. Click here--->

新facebook acct開始建立，慢慢upload上Fb、講飲、講食、講戰利品、講新書
仲會講祕密
有興趣就add me吧： ab_chan@ymail.com