秋湯

過埋今個星期，新書食譜就攪掂
我就可以放鬆dd咁多多
因為仲有好多嘢要做

起碼都可以照顧家人多dd

又可以自己煮多dd晚餐

唉....今年由年中至年尾，好似發生好多事，自己家人啦、朋友家人啦

我家人件事都未解決，令到我同大少爺都好多計劃都擱置
不過都係d吃喝玩樂既事，擱置都未係好可惜

但每件事過後都會發現有所領悟，都係學習既契機

咁樣去諗，就唔會覺得太悲涼呢

好！話說回頭
秋天我好鍾意煲南瓜栗子湯，仲要加牛蒡
條牛蒡係蔬菜盒內最後一樣食物
我立志用來煲湯

呢個湯有南瓜、栗子、牛蒡、合掌瓜、紅蘿蔔、粟米、蜜棗、瘦肉
煲出嚟好甜
秋天好鍾意飲呢個湯呢

P.s呢幾日熱返，仲要有潮濕既感覺！噢