2008年12月30日 星期二
即係咁........呢
我開始寫第二本書食譜部份
咁呢........如果晌blog度....你哋問我食譜我唔答既話
可能係呢.......第二本書內有既
所以我會有口難言、唔知點答、唔知點講、甚至唔知乜乜物物
暫時，我有d食譜係唔會寫
如果寫得都一定寫
無奶油晌blog到有食譜，晌新書又有
咁就唔係幾好呢
請見諒啊~~~~~你哋大方得體、溫柔爾雅、賢良淑德、高纖有益
一定會明白我呢！
呢個係紅酒蔬菜汁意粉
因為我聖誕時整定一大盤汁，一來要點隻聖誕雞
二來我想留番佢，有時整意粉用，做意粉醬呢
呢個汁實左太好味
而且...食譜講得架
就係呢個，呢度小部份，我double份量做成意粉醬
紅蘿蔔 1條 (切碎)
西芹 2條(切碎)
洋蔥 半個切粒(切碎)
蒜頭 1小粒切成蓉
茄膏 半罐
雞湯 半杯
0急汁 2茶匙
糖 適量
紅酒 半湯匙
bay leave 1小片切碎
將蔬菜粒加入碎bay leave爆香，茄膏炒勻、慢慢邊攪邊落雞湯
先加0急汁、加入糖試味 (每人喜愛甜度唔同，自已試吧)
加入紅酒，較大火令酒精及酸性揮發，轉細火煮半個鐘，令所有蔬菜半溶狀態
*紅酒可以增多，但視符口味
*如果太杰，可以加少少雞湯，做成自己鍾意濃杰度
*香草要開始煮時爆香先會散發更香既香味
同場加映..................翻版燒雞
聖誕燒雞實在太好味，我用雞腿再做一次
好味啊！哼~~~~~~~
訂閱：
張貼留言 (Atom)
回覆刪除玩足5日半, 今晚終於可以休息~
[版主回覆12/30/2008 12:05:00]你會身痕
回覆刪除我地可只賢淑大方、高纖有益, 仲高矮肥瘦, 五花八門啊~
個意粉同個汁都好聖誕, 好party feel啊~
個雞脾影到好似想柄人咁款喎hahahah
[版主回覆12/30/2008 12:05:00]隻雞脾係繼摺櫈後，另一癮型武器啊
回覆刪除個意粉好好味咁......我都要整!!多謝大少奶!
[版主回覆12/30/2008 17:14:00]你客氣喇
回覆刪除好靚又有聖誕FEEL ..............
但又唔複雜 .................. 仲一定好好味呀!!!!!!!
[版主回覆12/30/2008 17:13:00]好好味架！同埋最難就只係切野呢
回覆刪除個 pasta sauce 好吸引呀～！！我一於搵日跟住黎試下先～～！！我最愛 pasta～！！ thanks！！！
[版主回覆12/30/2008 17:13:00]試下丫。可以自己整意粉醬
呵呵.. 我屋企嘅紅酒(公司X'mas hamper收到的)可以用來煮呢個汁啊! yeah多謝大少奶!
回覆刪除[版主回覆12/30/2008 17:12:00]個汁可以照自己喜好調較，好味架
隻雞脾好似好好味咁bor...
回覆刪除我禽晚試整左你果個 "扮咕嚕肉"......正~~!!!
感覺上健康好多~~~
[版主回覆12/30/2008 17:12:00]同埋個質感都好好味啊
我鍾意變種版多d
回覆刪除個意粉好好味喎, 每一條粉都沾滿sauce, 茄汁我鍾意呀!
[版主回覆12/30/2008 17:07:00]呢個仲有蔬菜甜味啊
回覆刪除大少奶 ~~
紅酒我喜歡 意粉我喜歡 你呢個搭配 我又喜歡
好介紹阿 見到碟紅通通既意粉 好興奮阿
個聖誕雞翻版 好吸引呢
我支持你 第二本書有既 依度梗係唔寫
o甘更加會期待呢
[版主回覆12/30/2008 17:03:00]影子
個意粉實左太好味喇！
同埋全素食都適合你啊！
回覆刪除有個低能問題呀大少奶, 冰格即係放冰果度呀呵?? 咁咪成舊野硬晒囉...???
[版主回覆12/30/2008 17:02:00]你只要叮番熱佢就得呢
O O:
回覆刪除個意粉好正好"上色"，我好愛啊!
諗起南亞餐廳的"燴意粉"
頭號FAN CC上
[版主回覆12/30/2008 17:01:00]CC
個意粉係有好多精華晌裡面
有機會整比你食
OO
回覆刪除隻雞脾好吸引啊
[版主回覆12/30/2008 17:01:00]係啊！好好味呢
無奶油晌blog到有食譜，晌新書又有<--- 完全明白! 不過都有小小失落..
回覆刪除但會繼續支持你呢! 快d手寫好第二本呀, 唔好要我地等得太耐好噃!
[版主回覆12/30/2008 16:59:00]但我本書有排先出，因為我向編輯申請左要去玩呢
回覆刪除隻燒雞肶好吸引呀..我好鍾意食雞嫁..呵
[版主回覆12/30/2008 16:57:00]隻雞腿好好味呢
回覆刪除昨日我又買左bay leave, 好身痕想炆牛尾............
你都係時候為b2努力啦~~~~~~~~~~~~~~~~~~
收心養性啦啦啦啦啦啦~~~~~~~~~~~
咪再對住個mon傻笑啦啦啦啦啦啦
[版主回覆12/30/2008 16:55:00]奶奶
我實在忍唔住，每次一見到就忍唔住笑
無得頂呀！(我講你)
h ahahahhahaaaaaaaaaa
"大方得體、溫柔爾雅、賢良淑德、高纖有益"
回覆刪除嘩~你完全講中晒我的優點呀
好鍾意你個"想炳人"的雞脾啊!!!
[版主回覆12/30/2008 16:54:00]其實我咪就係最想話比你知囉！hahahhaaaaaa
呢個雞腿可以拎去當搥仔扑白果
回覆刪除O O:
你話kar!你話kar!你話kar!你話kar!
勾手指先!
傻cc上
[版主回覆12/30/2008 17:32:00]CC
你就快都又再食到我整既野
下個星期六呢，記唔記得啊？
我決定會整一款可以連呢個汁既小食
OO
回覆刪除(Empty)
回覆刪除意粉加埋雞脾睇已經知道好好味
回覆刪除高纖有益?! 係咪下一本書的主題呢? 哈哈~
回覆刪除支持呀~ Happy New Year
回覆刪除大少奶,我今日買左你本書啦!!!第二本幾時出呀??加油啊~~~
OOOOOOOOOOOOO
回覆刪除高纖有益 ----------> 一定唔係我啊, 嗚~
GGGGGGGGGGGGGG
回覆刪除大少奶 : HAPPY NEW YEAR! May all your wishes come true in this new coming year! Don;t worry about not replying to people's request for recipe, you can just reply by saying it will be added to your book. Actually, if you see a lot of request, that is a good indication for the popularity of the recipe la. People would be looking for new recipe from your book, and it would not be good to include recipe in which you had released from your blogs earlier. You are so thoughtful! Happy New Year!
回覆刪除
回覆刪除你哋大方得體、溫柔爾雅、賢良淑德、高纖有益
好正呀呢句
回覆刪除祝大少奶同大少爺新既一年一切順利
回覆刪除岩岩先買左你本書, 咁快已經寫緊第二本, 大少奶真係犀利呀~~~~
新年快樂，Happy New Year，あけまして
回覆刪除(Empty)
回覆刪除收到!!! ....... 唔好問 ....... 唔洗答!!!
回覆刪除你好,大少奶,今次係我第一次留言。我係買咗你本書的讀者呀。 在此祝你新年快樂!!新書再版再再版....恭喜
你有時間都可以上 www.beautytalk.com.hk ,我有份寫,係有關beauty同fashion的優惠或資料。仲有 www.mybeauty.com.hk 係美容院同髮型屋指南,我諗好多睇你blog的人都有興趣睇吓。
回覆刪除咁係咪o者暗視左新書內容﹖﹗
回覆刪除Happy New Year~!!