嘩！我琴晚被大風雨整醒，好大風吹到窗逢逢聲，好驚爆玻璃
又晨咁早紮醒
今日嚴重過琴日，腰骨痛到彎唔到身、繼續脹、頭繼續痛、心情繼續差
天呀！來緊兩日我仲要見人架！求你令我脹少兩日吧！呢三日都夠我折磨
我決定全面罷工一日，今晚兩個人就"做低"一隻粽吧
就快 "咚撐"節，又到一年一食粽，舅母會包幾隻我
另外晌富豪酒店買兩隻裹蒸粽，$98一隻都好大隻
歸納於抵食夾大件，足夠兩個人晚餐飽到聽朝
裡面有瑤柱、腩肉、蛋黃、綠豆、蓮子、栗子、冬菇同埋乜乜物物
今晚做低佢時就影係佢既"內餡"，以供參考
**************************************************************************************
千呼萬喚隻粽比我開喇！我好奇多過想食
隻粽兩個人都食唔晒，原本已經將米線過冷河煮比大少爺食
但佢都say no，隻粽食剩呀
原本我以為拆開粽葉後…隻粽會變細隻，原來一樣咁大
因為我蒸好時切開睇裡面熟唔熟，所以無完整拆開既相
裡面有一粒大瑤柱，仲好鮮味，甚得我歡心
一向只鍾意大粒瑤柱，呢粒.......ok啦
裡面有好多原粒蓮子同栗子
仲有一個大鹹蛋黃但我同大少爺兩個人都只食1/4、因為個黃太大喇
兩個人一隻粽仲有食剩添呀！好飽兼夾滯
回覆刪除你好有粽喎!!! 居然學人罷工?!?! 睇住食得太多粽, 唔水腫但變左成粽啊!!! ps 我今年都未食過粽
回覆刪除冬菇 我呢幾日已由咸肉粽變成 裹蒸粽 喇
回覆刪除咁早就拎隻粽出嚟！解凍呀！真係好大隻呀！ 好野又係 No.1
回覆刪除oh 變咗第二添
回覆刪除Amy 你第二啊！ 隻粽夠兩個人食滯啊
回覆刪除個盒咁靚 , 好有日本 feel
回覆刪除吓......如果係我同亞仔, 呢隻粽唔夠我o地食呀
每年"咚撐"節~~我肥妹媽媽都會包粽過我吃 我愛到屎呀~~諗起就想食喇 嘩~~你哋兩個人剩係'做低' 一隻粽咋~ 咪好少囉~~夠唔夠架 ~~我睇見就想食喇
回覆刪除
回覆刪除♥阿愛♥ 呢兩日唔可以亂食野，尤其鹹既食物 我叫大少爺自已另外多樣買外賣食 GG 放心，大食羅賓漢實會自已買外賣既 同埋粽好滯架 小白 我都鍾意個盒
回覆刪除4個小時啦，過黎食藥啦~~~~
回覆刪除大少奶, 有一個可以令你唔使每個月都痛嘅方法... ... 嘻嘻... ... bingo! 有咗咪得囉~ 第日bb仲可以同我玩呀
回覆刪除vanlily， 勁，好文彩！ Long Long， Agree，大少奶快d生！
回覆刪除我一個人都可以解決隻粽呀...超大食
回覆刪除大少奶 ~~ 你都食粽拉 我每年呢個時候一定要食粽阿 不過 自從唔食肉之後 比較麻煩 都要到處揾我可以食既粽 不過 我前日都已經食粽拉 寶媽包o左我可以食既三隻比我 不過 我覺得唔夠呢 食唔夠阿 香港既粽原來o甘貴架 呢度既粽材料同你講既一樣 除o左無瑤柱 不過有冬菇 一大粒係 RM 5 即係港幣10 蚊呢 我見過一個有鮑魚 海參 瑤柱之類 而且可以食10人份既 係 RM98 我好想買阿 不過 入邊有肉阿
回覆刪除WOW, lovely dumplings!
嘩, 咁大隻 ......... 乜你連隻"踵"都圓嫁 唔洗睇啦, 入面一定有圓形既糯米,圓形既冬菇, 圓形既乾堯柱, 圓形既咸蛋黃,圓形既栗子,圓形既蓮子 .................
回覆刪除
回覆刪除小心身體, 希望你快o的好返, 舒服o的可以整好多美食
Wait for your "INSIDE" photo!
回覆刪除回答你一倫咀的問題！ 琴晚訓得好嗎？ 日頭無同癲姐玩，所以夜晚無因為玩都興奮得濟而訓唔著！ 有不適嗎？ 感恩，沒有！而且有你支持！ 有紮醒嗎？ 成日都會架！一晚起2-3次啦！但因為紮醒時無見都癲姐而嚇親訓唔番！ 好快就又訓過！ 有"副被"嗎？ 我開冷氣琴羽絨架！ 羽絨太皇副唔到！ 有發夢嗎？ 好彩發唔到癲姐jar！ 有食早餐嗎？ 未係食癲姐出品既苦過 dee dee朱古力蛋糕同飲速癒素！ 食埋一大碗雞粥tim啦！ 有乜乜物物嗎？ 係唔係便便呀，未呀！化療完之後果日多數無得去！ 最重要你訓醒起身嗎？ 未訓醒點知妳係問題癲姐呀！
回覆刪除
回覆刪除咁啱呀!我而家都係食緊粽!! 好味道!!
回覆刪除hihi... the 粽 look so nice... i wanna try tooooooo...
回覆刪除大少奶~ 你幾時出post講上次0係 IFC買ge shiseido ar~~~ 等到我頸都長喇...
回覆刪除大少奶, 我今日都仲好頭暈)))))) , 腰骨直到瞓唔到, 加止眼都腫埋呀陰公! 你果隻粽龍少一個人都食得哂... 佢係 超級糯米人 之前佢可以一個人食比普通粽大嘅粽3隻做lunch呀
回覆刪除今日我啪o左兩粒止痛丸啊
回覆刪除隻粽好大隻呀......... 我都想睇佢內心世界喎~~~
回覆刪除我最喜歡吃粽裏那舊肥豬肉:p
回覆刪除vikki 下，果舊肥肉我會整走佢架 NaNa 今晚就有喇 荔枝冰 我今日都肚痛 咪咪吉 快快收e-mail呀 我眼恩黑晒 我自從買左支防曬後，就日日落雨啊 亦因為咁都未拆呢 支防曬唔係ifc買，係我去完ifc之後落cwb買既 臭屁JoYz 我都好想睇個內餡 HelloConnie 我今晚先有得食啊 Cindy 答得好，我會再出題目比你，你今次答得幾好 Fly Me 2 JAPAN OK!今晚有喇 QQ 多謝你！我都咁希望 Ivany 哇哈哈！你唔提我都唔留意啊 Southern Gal 哈哈！你的所在地有嗎？ 流浪影子 你咁快食粽喇 係啊！通常粽都有肥肉 你跟寶媽學包就可以整海鮮粽啊 Tan Tan 普通鹹肉粽就ok 呢隻太大喇 Long Long 責任重大要好好考慮 都係你比我玩下先喇！不過我同你契媽一樣癲架
"咚撐"節最開心就係有粽食架喇! 可惜今年阿媽唔得閒包呀!
回覆刪除
回覆刪除咁今日law幾多分呀？
我同妳一樣PMS左成個幾星期, 好辛苦呀! 成個下半身好似重到就黎分體咁, 個肚仲脹卜卜添呀! 大少奶, 妳都係唔好食咁多"粽"啦 ! 妳而家仲唔夠"腫"咩?!
回覆刪除Kei 哈哈！我要以毒攻毒 已經唔敢食鹹既食物，為左隻粽，無辦法啦 Cindy 75分咋 因為乜乜物物唔係便便 係乜乜物物呀 V&E 你好鍾意食粽？
回覆刪除
回覆刪除aiya，死啦，超過4小時啦！唔記得食藥報告tim！
回覆刪除cindy 扣你十分
回覆刪除我就要食朱古力嚟令自己開心d...雖然要keepｆｉｔ 但都忍不了口
回覆刪除過黎食藥啦！
係超鍾意果隻呀! 不過淨係"咸肉粽"咋喎!
回覆刪除
回覆刪除喂喂, 6pm law wo！你仲未開飯，呀！唔係，係開粽！
Cindy 我係六點幾食飯、唔係六點呀！你點做時間證人？ V&E 我其實唔算太鍾意食粽 只係咚撐節先會食，為應節 Little Bridge 我唔比自已食咁鹹
回覆刪除
回覆刪除嘩..真係好大大大隻啊 ..
回覆刪除大少奶, 隻粽又真係幾大隻, 30分鐘得唔得? 喂, 食剩打包俾我個超級糯米人 我敢擔保佢一個人可以食哂一隻兼未夠飽! 哼, 幾型!
回覆刪除咪咪吉 我話你知，你食硬韭菜呀 我蒸45分鐘先熱透啊 就是我咩 無錯！太大隻
回覆刪除見到都滯呀 .... 我話隻粽, 唔係你呀
回覆刪除ivany 我知你唔係話我，我係腫唔係粽丫嘛！ 我真係好滯、好想訓覺
回覆刪除食飽就訓, 唔腫就奇喇 ... 又賴PMS
回覆刪除我唔多鐘意食粽 不過... 咁多料真係好好味呀!!
回覆刪除Ivany 想同做係兩回事啊 可以的話…我最想餵你食榴槤 KT 餡幾個食但真係好飽
回覆刪除我地聽日活動都係包粽啊. 一年一度. 你隻粽真係大得誇張呢..... 粽食唔到多, 不過熱食又真係好正.
食飯未？ 無飯食呀！食粥呀嘛！無心肝！ 食飽嗎？ 本來唔多飽，依家睇埋妳同大少爺隻粽，飽到嘔啦！ 但一陣都會食件苦過Dee Dee！ 撩牙嗎？ 我d牙縫好密架，唔洗撩！ 睇電視嗎？ 因為要答癲姐問題，無得睇law！ 沖涼嗎？ 沖涼呢個問題唔話妳知，非事你有"霞"想！ 訓覺嗎？ 訓左覺又點答你呀，食粽食都係傻左！ 乜乜物物嗎？ 化療藥打到我蠢蠢地，仲未知要答乜！ 又扣分呀？ 幫你問埋~~~ (有無分加呀) 天皇返未呀？ 仲未，起碼11p.m.-12p.m.呀！ 有無掛住癩姐呀？ 佢成日"補"住我個blog，同埋好多問題，所以一d都唔掛！
回覆刪除
回覆刪除大少奶, 都係差15分鐘啫... 我講果30分鐘係滾水計起喎 你個獲肯定15分鐘先滾起d水啦, 你唔好呃我呀!
回覆刪除估唔到食唔晒喎 唔同pms會攪到胃口都冇 ? p.s. 剛剛寫o左篇blog又提及你呀 得閒就睇吓啦
The time I saw your pictures, I feel hungry~~~ ________________________________________________________ I am a research student from CityU. Currently, I am doing a survey about blog. Sincerely hope that, with your kindly help of filling this questionnaire, we can gain more understanding on blogs. Following it's the link: http://ebiz.is.cityu.edu.hk/feedback/test/00.asp Note: 1.Finish filling it will take less than 10 minutes I think 2.There is a chance of winning $100HD supermarket coupons If this message bothers you, please ignore it or delete it. Thanks a lot, and I will keep visiting your blog as well! ________________________________________________________
回覆刪除
回覆刪除Hi. 大少奶, 你可以試吓食『鎂』片, 我果婦科醫生話此藥止經痛. 無副作用, 我大肚果陣腰痛, 背痛都係靠佢生存,唔駛醫生紙買. 而家我PMS都係食佢, 十分鐘見效. 不過, 你問咗你私人醫生你可唔可以食『鎂』片. Post link: http://www.mediherz-shop.de/produkte/sortiment/Gesundheit_und_Vitalitaet/Mineralstoffe/Magnesium/1184763-detail.html;jsessionid=14714111E38450743F04DAE53D130CF6.web5
Mia-Marie 多謝你介紹，下次我去睇醫生會問下醫生意見 Kem's Yahoo Blog 我有時間既話去睇下啦 GG 隻粽好好好好好好滯啊 咪咪吉 我咪係水滾開始蒸囉 食韭菜啦你 Cindy 好啦！今次幾好有80分，另外自己加多兩條加你2分 今次82分，好好諗下乜乜物物喇 Auntie Goo 菇菇姐 菇奶奶 你會包粽架？好勁啊 一年一度好滯既節日啊
回覆刪除
回覆刪除我諗隻粽真係好大隻呀 ~~ 連大少奶同大少爺都食唔落 唔知俾我同小豆丁會唔會做低倒佢呢?? 我都想試吓喎!~~~因為$98~@一餐仲要食唔哂添!! 低呀~~~
回覆刪除的確喺高貴大方，談吐溫文的裹蒸粽噃！食唔哂，佢嘅下場喺點呢？我都有隻要食，喺行街坊路線，應該會喺實而不華嘅... ...美心呀！
回覆刪除粽係幾好食, 但糯米就唔好食咁多同唔好時時食． 好易 骨痛．由其女性骨質比較 弱．
回覆刪除勁大隻啊~~~成家人食都得囉
回覆刪除我昨晚都同家人一起食這個糉呀..真係好大隻不過我覺得配料就唔算多啦..好似只係食糯米飯多d
回覆刪除成日PMS不如試吓睇中醫條理吓！
回覆刪除大少奶 ~~ 我好鍾意你影既粽餡 好靓阿 好鍾意有瑤柱呢 我又想食 好高興琴晚寶媽話正日會再包粽阿 我又可以食拉
回覆刪除大少奶食粽落糖定豉油㗎?
回覆刪除我都好鬼想食ar....今年ar媽唔響hk，無得食ar 我
回覆刪除嘩, 隻棕粒瑤柱好大粒, 見到都 好好味咁呢~~
回覆刪除哎呀! 做唔低佢...早d call我啦!