眨下眼就10月中喇！時間真係過得好快、好快
距離自已生日、聖誕越來越近
我好鍾意冬天，因為可以著長boot、冬天衣服又可以多配搭
好亦好鍾意年尾氣氛，週圍五光十色，紅紅綠綠
一到年尾又感覺到農曆新年快到，又接近大少爺放大假去新加坡
年紀長大唔會特別期望聖誕禮物，但與朋友歡聚都係我期望之一
每次個腦就會諗起"Happy together"呢隻歌
自已屋企招呼朋友，或多或少都要整小食招呼招呼
有無考慮過整洋蔥圈呢？
材料: 參考bon bon kitchen
洋蔥 1中型size
鹽、黑胡椒適量
麵粉 適量
脆漿材料:
自發粉 50g
水 60ml
吉士粉 1茶匙
做法：
1)將自發粉、吉士粉、水混合，放雪櫃冷凍30分鐘備用
2)洋蔥去衣，打橫切成圈狀，麵粉加適量鹽及胡椒粉均勻灑上洋蔥，令洋蔥沾滿乾粉
3)將沾了乾粉既洋蔥放上脆漿碌勻，務求每個圈平均沾上脆漿，放上油鑊炸
4)炸至金黃用廚用紙索乾油份，可配上沙律醬或茄醬
我覺得呢個洋蔥圈最難係上脆漿，要香脆的話，脆漿唔可以太厚，薄薄一層就夠！
洋蔥唔好洗，我會頭、尾切掉，第一層唔要
食譜原著話：用麵粉沾滿洋蔥係可以令洋蔥容易沾上脆漿
大少奶作出呼籲：
請問有無blog友曾經透過
Asiaroom.com訂酒店呢？可唔可靠呢？
因為琴日睇酒店資料發現Asiaroom.com既價錢比我訂開既agent平
雖然唔係平好多，但每次訂4~5日都可慳到幾佰蚊！
訂5★級既酒店平成$100晚，訂5晚就平$500，感覺抵好多咁...............
回覆刪除返緊工都入黎睇吓^^...真係炸得好靚! 睇到我口水都流~~~Tea time!
回覆刪除點解我去睇Asia Room 係一個Dating網站，唔係訂房喎。Anyway，我自己用開 http://www.hotelhk.com/ 幾平架，仲周不時有啲好筍既本地package。你試下啦
回覆刪除嘩!happy hour 飲兩杯時食洋蔥圈就最岩，不過我鐘意炸得好鬼大個圈，開心啲。
回覆刪除See.........唔好比同事見到你流口水呀！
回覆刪除大少奶﹕你又話有個類似既XO醬炒飯，但係點解我係你個blog到搵唔到既？仲想偷下師添，你放左個篇文係邊樹呀？
回覆刪除小倫......個炒飯我無擺上blog呢！靜靜話你知…我唔係樣樣都放blog既~你可以click入上面Asiaroom.com個連結，不過都多謝你介紹，我都會參考下既！我見Asiaroom.com好抵，佢話訂完就會email張voucher，憑voucher去到酒店check in就得，但一向我搵agent係將vocher送上門，所以想知asiaroom可唔可靠
回覆刪除wow ... 我竟然生唇瘡呀！食唔到你個洋葱圈添！嗚 ... 今日仲要去飲！嗚嗚 ...
回覆刪除Asiaroom.com？ 我以前在Radio聴過、幾多人用的。 他平過人是因他在好多不同的地方訂酒店＆一次羅好多房、So平過其他網。 希望没記錯 la(゜▽゜;)
回覆刪除我見Asiaroom.com好抵，佢話訂完就會email張voucher，憑voucher去到酒店check in就得
↑↑
這個、在Radio也有講過阿。因他以前人手不足、無法像其他網送上門。so用email這個方法。後来漫漫地有多ｄ人接受這個方法、他就開始出名 la.
回覆刪除打令笨B媽媽 ........噢！好可憐呀！唔怕！來日方長
回覆刪除Ken (゜▽゜)ノ .........多謝你呀！我就係驚email張voucher唔夠安全，多謝你既解答，咁我慳慳埋埋d錢，整多d野食比你地...............睇呀！哇哈哈！
回覆刪除嘩嘩嘩, 令我想起burger king既onion rings, 不過你呢隻大隻好多喎!!
回覆刪除我好鍾意食洋蔥圈架，睇見到流口水！！
回覆刪除大少奶，你要定hotel啊 試嚇www.hotelclub.com啊，我地好多酒店同業都話平嘎
回覆刪除大少奶 ~~ 這個 onion ring 靓得不得了.. 讓我想吃.. 賣相就好像炸魷魚圈呢 ~~ 我很喜歡吃炸魷魚圈的阿.. .. 我一向來夜喜歡 online book酒店 .. 這個 website -- www.planetholiday.com 是我最滿意的一個阿..價格公道..資料詳細 ..值得參考呢
回覆刪除嘩....好金黃色, 真係好想食返件...可唔可以留返件比個. @v@
回覆刪除【亞B的無鎖事事】...緊係啦！足料嘛！哇哈哈【阿蟻 】...有埋食譜自已試下整丫【!!傻豬 】...多謝你提供！【影子】...我下次試下整魷魚圈，多謝你提供呀！你就快去旅行，玩得開心d呀【HelloSweetKitty】...下次請早！因為已經食晒喇！
回覆刪除大少奶,你好勁呀,係新假期介紹咗你個blog呀! 你整嘢食真係利害呵!
回覆刪除大少奶, 你又整洋蔥圈...我諗你好鬼鐘意食架la。
回覆刪除嘻嘻，我跟流浪一样，喜欢吃鱿鱼圈，也不知道是谁发明的，外形竟然跟洋葱圈一样，吃过以后非常喜爱，平时也喜欢吃洋葱圈啊，什么时候做鱿鱼圈啊，嘿嘿。
回覆刪除去新加坡, 好呀, 難得你不怕她悶熱~~ 去新加坡最好再去埋 Bintan Island. 另外新加坡 位於 Ang Mo Kio 有一間專門整 蟹米粉 既 大排檔 係超......正. 諗起都想食!!!
回覆刪除TheMay ...多謝 小魚仔 ...洋蔥無論生或熟我都鍾意 重阳 ...我一定會試整，到時話你知丫
回覆刪除嘉.若.高 ~乳錄 ·新加坡我每年去一次，我好鍾意去Esplanade隔離個food court食炒粿條，你下次一定要試，檔主仲去過美國示範添，而且food court來講好舒服，另外…多謝你介紹