2006年10月24日 星期二

失禮人


剛才去藥材舖買嘢,買完準備行出門口既時候,迎面而來係一隻貓
跟住我同隻貓四目交投,貓貓既狀態係敵不動我不動
但其實我係驚到唔敢動,當時藥材舖既老闆及老闆娘望住我
我用求救既眼神望住老闆娘,再忍唔住大叫 "哇!我好驚貓架~"  仲捉住老闆娘隻手
跟住老闆娘安慰我,唔駛驚,但隻貓向住我行過來,我就躲到一個角落
好彩貓貓都放過我,費事理我行走咗!!!
之後藥材舖老闆同老闆娘就哄堂大笑!猛話唔駛驚
其實我自出娘胎已經好怕動物,不論海陸空會行會走既非人類動物我都驚
初初大少爺養魚我都唔行埋魚缸,怕魚彈出來,細個時候見到毛公仔會喊架!
不過...我怕動物,但我更加反對虐待動物,始終都係生命!只覺得自已比較奇怪
返到屋企就整嘢比自已食,有烤雞搥伴焗薯條、粟米香草低脂沙律
個薯條無加油放焗爐焗,但效果卻一樣,好似下午茶餐咁
今晚試新菜式希望成功啦!
無油焗薯條做法
將薯條放上入爐不黏布或錫紙上,鋪平入爐焗至金黃
期間要拎出來反一反,令薯片四­­面都金黃
但一定要睇到表面開始實身先反得,因為薯條係急凍
焗既中途會溶雪,呢個期間既薯條會較稔易爛,所以表面成型先好反轉呀


1 則留言:

歡迎大家留言,但會先檢閱先會顯示,謝謝
此舉避免無聊九唔搭八人滋擾