2009年4月11日 星期六
大長tea@JW
是日大長tea
今日夢幻組合：我、烏GG、呀茄、呀妹diana去JW大長tea
JW星期六既tea buffet係由 1pm~6pm
之前同大少爺去過-->Tea buffet @ Jw marriott
大長tea適合我們這一家去，因為永遠有講唔完既說話
不過…大長tea完，依然覺得仍然未夠
到底我地係咪要去離島租間渡假屋住番晚呢？
事先聲明：以下相片既食物係我哋4個人共同食既食物
我係影晒咁多以供參考
好鍾意呢個茶櫃
有creme brulee茶
今次去有mix juice飲，But....我覺得單一味道會較好呢
其實有剌身，但我只揀赤貝食
鹹點都幾好味呢
噢！parma ham
自選配料既粥，我覺得今次少餡料揀，之前多選擇呢
呢碗係帶子粥
烏GG破紀律食咗4碗粥啊
呢個風乾牛肉薏米湯好好味
mini sandwich. ,waffles
噢！其實有好幾款大蛋糕，有芒果mousse, cheese cake, dark choclate mousse.......
但我無食，只食小甜點呢幾款都好味呢
crepes退步喇！以前無論dinner,lunch buffet我都覺得即製crepes好味
今次有點失望
呢碟呀妹既，佢話椰子熱情果mousse好好味呢！
果片小古力，有食緣都有得賣啊
其他小甜點有，綠茶蛋糕、燕窩蛋撻、藍梅mousse仲有HD雪糕
餐茶我要 stawberry iced tea
好味啊
之後去行一陣街我就走喇！夢幻組合下次幾時可以再大長tea呢？
要等呀妹返來呢！
2009年4月10日 星期五
餓底@海鮮站
復活節快樂!!!!!!!!!!!!!!!!!!!!!!!!!!!!
假期後我就要交晒所有稿，呢幾日假期我反而要努力
琴日又餓底行動，今次有呀妹diana、烏GG、呀茄karen，仲有呀繼鄉下人
地點：海鮮站
先睇睇必食既龍蝦兩食，只係$480
有龍蝦沙律，最重要係....佢係用芒果汁代替沙律醬啊！fresh~~~~~~
芝士焗龍蝦伊麵~~~~好味
我同呀妹既生蠔
原來我想食澳洲生蠔，我鍾意食澳洲蠔，但琴晚無晒
老闆介紹墨西哥同蘇格蘭蠔，我同呀妹覺得蘇格蘭較好味
麵包蟹，噢！
佢成個蓋都係膏，食極唔完既膏啊！
個蟹蓋我哋幾個食咗好耐都未食得晒d膏呢
翡翠螺
蒸蟶子，好味啊
我同呀妹、烏G要龍蝦湯
呀茄同呀繼既響螺湯
食到好飽，但無甜品又點算完美呢
行番去麻布茶坊食甜品，然後繼續傾
之後我仲去join kathy 唱咗一陣K先返屋企呢~~~~~~
呀妹..............你條褲淨飲雙計啊
海鮮站資料：http://www.openrice.com/restaurant/sr2.htm?shopid=18045
2009年4月9日 星期四
燻魚
終於跟呀蘇整燻魚
當時睇電視我已經想整，但一直都無整
早幾日托鐘點姐姐幫我買魚腩，就動手
其實燻魚唔難整，但要好好心機呢
仲加個汁，淋上面，因為大少爺鍾意有少少汁呢
過埋呢個星期我就完成晒本書，到時可以自由自在地去發掘新菜式呢
哼~~~~~~~```
燻魚
料: 鯇魚腩，要刮腩內黑色衣。
醃
生抽，少許鹽，胡椒粉，酒，最少醃半小時。
滷汁
生抽，老抽要4比1，麻油，糖，少鹽，水，桂皮，八角兩顆。
煮
先煮汁，要先爆薑蔥，汁開始杰，便炸魚，魚要先撲生粉
魚金黃帶黑便放入煮汁鑊內，用羹淋在魚上
汁要慢火Keep住，不可熄火
脆香燻魚
如何能令燻魚脆帶香?
放燻魚上碟前，先把已完作的燻魚放在架子上讓它放涼，讓汁吸收進去，變成一個好像糖一樣脆的東西包著它，
等它收乾，這樣味道會更好，而且吃下去會脆口的。
2009年4月8日 星期三
3人@風月堂
無錯！琴晚又去風月堂
今次3人行，有vanlily、笨B媽媽同我一齊食飯
um.........其實隔一段時間就會想約埋食飯
今次比我搵到個非常之好既籍口要笨B媽媽老蓮咁遠大西北空降銅鑼灣添
呢餐飯食得好開心，最開心係睇甜品menu
但琴晚時間太短喇！跟本都未講晒要講既野呢
先睇下琴晚食乜
我哋掛住講都無乜睇過menu求其叫3份晚餐
然後諗諗下要兩份再叫甜品
仍然要茄子沙律
鵝肝煙三文魚天使麵
噢！好好味既甜品
個waffles真係好好味
今次一客芝麻雪糕、一客要士多啤梨！good~~~~`
最後加焦糖咖啡芭菲！good
小冬見到cream雙眼發光呢
再加綠茶cream crepes
大滿足~~~~~
收到小冬既手信是幸福事
而大少爺鯨吞晒呢包幸福，好彩我要霸左紅色呢！
兩位好諗定下次食乜喇！YeAh!!!!!!!!!!!!!!
2009年4月6日 星期一
兩個@風月堂
原來我同呀茄Karen識咁耐咁close，仲未試過兩個人去街同食飯
多數都三人行加埋烏G，或者再加埋呀妹4個、甚至我們這一家
今晚我同佢第一次單獨約會
約CWB，當然萬大事去食飯先，食完行街但無收鑊
一樣都無！
最大可能係早幾日我同佢各自拼競，今日無樣睇得中
攪到我好身痕！
to:呀茄，我地居然無行連根拔啊！
晚餐@風月堂
我第一次去呢間，但感覺良好，尤其係個甜品menu
我既晚餐有肉醬茄子沙律
肉眼牛扒、大蝦
牛唔係靚貨，但呢個價錢算係ok呢
餐甜品，噢！佢個waffle好好味，個士多啤梨雪糕都好味啊
餐茶我要熱檸茶
呀茄要燒羊肉沙律
甜品：芒果拿破侖
呢個都好咁，仲有一款甜品，但我用作做書內圖片，未有得睇住呢！
兩個人都好開心！雖然呀烏G唔晌樹，但佢既笑料與我們同在！噢
2009年4月5日 星期日
2009年4月3日 星期五
露姐
今日個blog唔食得
我拉傷個膊頭，好痛
活動好唔自如啊！
琴日整完個cheese cake，突然覺得膊頭同雞翼位好痛
連擰條頸都好痛
但我都出去買野，仲同fiona食完晚飯再行先返屋企
今日個blog無得食
我就講第二樣啦！我買完野唔會放blog
但今次就講下贈品
琴日上sogo 9樓買Clinique 美白精華加一個mask，滿$800
就會送左一set 8件禮品
今次送既好有用啊！
用開clinique既就上sogo 9樓買啦！至到7號
唔用開既唔駛話我知有乜唔好，每人皮膚唔同嘛
下個月去買綠茶粉，我唔駛下下帶咁大支旅行喇！yeah!!!!!!!!!
有唇彩、胭脂、胭脂掃、收縮水、洗臉膏、精華素、日霜、eyecream
有幾樣係我平時用開既
沖完涼吹頭都有問題
之後就攤上床，轉身都痛
好彩有.........彎彎樽裝安美露
(要唱出黎架！琴晚大少爺邊幫我搽安美露，我同佢一齊唱：彎彎樽裝安美露)
露姐，nice to meet you
今日仲約左剪頭髮添架！都唔知去唔去好 唉!!!!!!!!!!!!
2009年4月2日 星期四
2009年4月1日 星期三
收買
又係甜，因為我晚餐依然食緊書內食譜呢
係我最鍾意既綠茶豆腐布甸，無錯！我用來獎勵自己既
我用塑膠杯整一杯比表弟，上唧滿佢鍾意既cream運送比佢
點解突然對表弟咁好？？？
今次新書表弟先生會代表bear bear舅父一家為我寫序
緊要對佢好啦！正確來講：係.......收買
琴晚講電話時，佢問我想要佢寫乜？我話你可以寫識左我咁多年既野
佢即刻話：哦！即係寫識左你3x年，然後乜乜物物啦！ (乜乜物物係我家族既口頭蟬，個個都會講架！哈)
然後我突然扮晒正經問：喂！你篇野幾時交呀？？
表弟答我：你咪扮編輯追稿喎
而家我都好期待收到我表弟既序，佢係被我整蠱既受害人之一呢
哼！表弟先生
我啦你講，你食左杯布甸好交野喇下，你知我識上你屋企架啦
P.s今次我落重綠茶粉，因為我又就快可以去買綠茶粉呢！哈哈
訂閱：
文章 (Atom)