祝福她

                 

剛過去一晚探望一位朋友，深深感覺到人是不能掌握自已的生命

感覺到【命運】這兩個文字是多麼多麼深不可測

安慰說話容易說出口，但當面對的時候確實很困難

朋友的堅強令我有點點感動，她仍然會安慰自已及身邊朋友

仍然關心我雙腳為何未痊癒？探頭望我的雙腳為何未能像平常般穿著高跟鞋？

還能和我們說說笑，一起研究不同地區沙律的分別

慶幸自已仍然能夠令她發笑，第一次感到令人發笑是多麼有滿足感

眼淚一次又一次在眼眶內打滾，是因為眼前的情景或是被她的安慰說話感動？

知道自已懦弱、知道自已未能掩飾嘆息表情

相比仍然能安慰別人的她，更覺得慚愧

To:朋友

願你平安 ！無論如何你既堅強我永留心中 ~  你要繼續堅強        

 ***********************************************************************************         

與Cindy取得聯絡，她仍然留院

大家不必太掛心或不安

她縱使面對困難仍然樂觀面對，我們也應該給予她正能量

但現階段的她是最需要祝福，一齊祝福她吧

西瓜波

前文提要：我會突然愛上買某一樣嘢或食物

早幾年有一個夏天......我瘋狂愛上食荔枝，每日不停食

食到個身燥熱得滯出紅疹，之後無再食過

又有一年夏天.....每日食西瓜連續三個星期

食到太寒涼頭暈，之後都無再瘋狂地食

近幾年興買黑美人西瓜但我唔鍾意，要食大波波型西瓜

我一向唔去街市，但買生果總覺得街市較多選擇，其次吉之島

近日發現細過西瓜波既西瓜，好得意

初初因為得意所以買，估唔到超級甜啊！係好甜

切開一半用羹畢嚟食

以後可以好型咁答人：我閒閒地食成個西瓜啦！哼~

好甜好甜好甜好甜好甜啊啊啊啊啊

發神經

我經常都會發神經突然鍾意一樣嘢

例如…突然鍾意一個品牌

突然一段日子不停買同一樣嘢，包括衫、鞋、skincare、化妝品、甚至碟

食物除了一向既甜食外，會突然愛上唔同味道酸、辣、芒果、西瓜...食到唔食為止

近來好鍾意食辣，瘋狂地鍾意食辣，甚至覺得自已爆瘡都要食

結果產生以下既泡菜雞絲炒年糕

仲加上辣醬，辣到我覺得個肚好熱啊

呢樽辣椒好辣，辣到連1/4茶匙都會辣到食唔到

係一位好愛錫我既長輩送比我，係台灣梅子媽媽出品

裡面混有梅子更惹味呢~

Yeah!!!!!!!!下畫再去剪頭髮兼行街買嘢

之前籌備個gathering攪到買嘢都無心情

連卡佛果對鞋希望仲有size啦！大家用念力叫有37、有 37 有37、有 37

嘗一次

想整呢個台灣滷肉好耐，但遲遲未試

一來我對豬肉抗拒、二來係用豬腩肉整、三來好似幾複雜

最後唔知點解真係整

我同鐘點姐姐講：唔該你幫我買塊好瘦既豬腩肉？！

佢真係買到尚可接受既返嚟

的確好好好好好味，我唔食豬肉就加入豆腐乾一齊滷

豬肉試食咗1塊，但豆腐乾好好味啊

可能有加入糖色所以顏色好靚

↓滷肉飯

↓配米粉

食譜：copy 笨B媽媽

材料

五花腩  1斤 (600 克)

蒜蓉     1 飯碗

蔥頭蓉  1 飯碗

油蔥酥  1 飯碗  (見下圖)

滷肉汁

花生醬 1 湯匙

八角． 丁香．肉桂  適量 (這是五香粉的材料，我還另加了茴香籽 。大家可以用五香粉代替)

胡椒粉 適量

*糖色  適量    做法   3湯匙糖+2湯匙水，煮至成為焦糖色

生抽  1 飯碗

紹興酒 半飯碗

冰糖  適量 (圖中那塊應該是 60g ... 出來成品甜甜地好好味。若然你喜歡甜甜地，咁1斤肉要落 100-120克啦)

做法

1. 五花腩先汆水去血污油脂，切細粒備用

2. 開鑊爆香蒜蓉和蔥頭蓉，然後放入五花腩，煎到微焦

3. 加入香料 (要先磨碎才會出味啊)、滷肉汁及油蔥酥，加適量水令汁液蓋過肉面。試味，如不夠鹹可落點鹽。

4. 慢火燜一小時即成

***********************************************************************************

雖然要用豬腩肉，要整唔好驚、驚就唔好整

整完一次我驚就下次唔整，唔好問我瘦肉得唔得，我都想得但應該唔得

但應該只做兩次，今次整比大少爺

下次係星期日父親節整比爸爸，帶去探(拜祭)佢

返轉頭？？？

有好多事係返唔到轉頭

例如............

今日又預約剪頭髮，經過一個月頭髮長番好多，個髮型睇唔順眼又要修剪，我天生攣又厚既頭髮，令我髮型無初初剪咁好睇，一旦剪短就要長期keep住修剪

黑眼圈一旦產生黑眼圈就好難消失

著平底鞋我覺得行得好辛苦，著高跟鞋舒服得多

開咗罐預備打風先食既鹹牛肉，返唔到轉頭，預計食足一星期

噢！

今日條街實多人，我都係留晌屋企，整早餐比自已食

一時衝動開鹹牛肉整三文治，仲有又係我最鍾意既木瓜雪耳糖水

食木瓜雪耳糖水會變靚d架！

唯一因為怕返唔到轉頭而唔敢做既，一定係整容

我好討厭自已個扁鼻，但又唔夠膽整高

哈哈哈哈哈哈哈哈

求其Lunch @ Italian Tomato

我一早出街買嘢，大少爺又買袋，我買咗一件衫、仲有...................買

28人享用既魚蛋

28人享用既法國包

28人享用既雞蛋

28人享用既雞翼

28人享用既木瓜

28人享用既什項材料

因為一個28人別具意義既gathering，今晚要做28人滷水蛋及雞翼

聽日就將以上所有物品帶到到gathering地點，即場整糖水同魚蛋，好緊張啊

因為要比嘢Rosa我同大少爺先到APM，爭取時間

就求其食個求其Lunch

食完用30分鐘行APM，快速買嘢

就到 next station 辦理私人事務，又快速回程買材料

又快速update blog

呢個Lunch話明求其，就好求其，食物都好求其

湯................OK

我的Parma ham pizza..........一般

大少爺帶子焗飯..............唔太好

呢件栗子蛋糕兩個形容............隔夜，塊蛋糕又鞋又實

凍O茶..............Um...............ok

呢間野無下次

食餅咭

我今日要休息下，因為要為一個gathering作出準備

經常收到餅咭，但又唔想換西餅食

試過換蛋糕，仲難食

早兩日大少爺話不如換打西餅，噢

我最鍾意呢隻↓，但我朋友話呢隻係所有蛋糕碎集成既

細心食就覺得似係卷蛋碎做，因為裡面係用cream連連接埋一齊既

我鍾意一件裡面有咖啡味、原味、朱古力味、仲有面層蛋糕既橙味

大少爺鍾意既【荷蘭批】，個名係美心職員講既

底層係有批底、牛油蛋糕、裡面有奶油、凸出塊有jam面

大少爺試過一張餅咭12件換晒呢款，令我打冷震

總之......我就係唔鍾意食西餅

無比膏

近日籌備一個有意義既gathering，滿惱都係諗當日食物、諗點樣整得最好

反而晚餐煮得十分求其

而且踏入六月天氣開始熱，怕熱、怕曬黑既我shopping時間轉到6:00pm後

更多時出街外食

加上有親友回港街外食相儲埋一堆

但耐無煮的確會手痕，呢個焗葡國雞就係手痕時煮既

今次好滿意啊！

哈~~簡直同無比膏一樣能夠止手痕

預計再煮晚飯既日子，應該要到下星期尾啊

無辦法，所有朋友都知我 6、7、8月出街時間係黃昏

仲唔拼命三郎咁約我夜晚咩，噢！

有祕技

呢個牛扒三文治係跟Annie Leong第二本食譜做既

就算洋蔥都有用anchovy fillets炒過

我鍾意佢既講究呢，每一次跟佢既煮出嚟都係成功既

雖然…今次我唔記得買蛋黃醬所以skip咗醬汁，但依然好好味

牛扒我叫肉櫃職員一分為二切薄，所以仍然能做多一次呢

做埋個汁會更好！

Annie Leong的祕技

麵包保存

食剩法國麵包可以用保鮮紙包實，放入冰格急凍可以放幾個月，如果要放更耐就可以用錫紙包實再用保鮮紙密封

翻熱麵包：

焗爐預熱200度。手略沾水，輕輕掃上麵包，麵包無需解凍放焗爐12分鐘

係 bonus 啊

呢個扁麵係亂做既

事緣一個中午，呆呆既我走入廚房摷雪櫃

有蝦、有扁麵但發現無晒意粉醬，結果就隨手加材料做汁

有機蕃茄、茄膏、蒜蓉、喜瑪拉雅山粉紅鹽、tabasco、糖

將蕃去皮切粒煮成蓉就隨手加調味，做出嚟好好味，哼！

其實我鍾意隨意發揮去煮嘢，跟本講唔出份量

略懂煮時食已經係咁

當然要有基本知識先，基本知識都無煮嘢點會好食？

我有一個信念，所有食得既食物煮埋一堆，正常係無事

最多咪唔好食，hahahaaaaaaa~

好食的話咪就係bonus囉！幸好我通常都能夠得到呢個bonus

呢個信念攪到我連紫貝天葵果凍都做得出，噢~