由於4月3日出發，班機delay一小時
去到台北出境、抽獎、搭的士去到酒店都8點幾
好開心今次抽中獎，旅客只要停留3日至90日就可以抽
佢比 icash咭我，裡面有TWD$5000
唔係度度都用到，我最後去買化妝品同去七仔就用晒
我今次都係住凱達酒店，位置萬華車站隔離距離西門町一個站
酒店樓下已經有便利店，轉個彎又有、行前d又有咁
2019年年頭去住感覺好新淨，今次感覺殘舊了
不過房夠大，廁所同淋浴間分開，都企理乾淨
由於早上大地震，我曾經諗過day 1唔出街，睇定d先算
不過，去到都忍唔住去酒店附近夜市
"華西街觀光夜市"，食物都唔錯
大少爺連食四晚地瓜球、我就一定食花生雪糕捲，裡面有芫茜好好味
大腸包小腸
餅皮包住花生糖再加菠蘿、芋頭同花生味雪糕，超正
每晚都我眼前出現........地瓜球
Day2去大稻埕、西門町、夾子園、小李子
本身想去淡水，但仍然唔想去離開酒店太遠地方
因為當時成日話台北會餘震又怕近岸地方危險、捷運又長途
帶住個仔真係要小心，咁就去搭的士只係TWD$110既大稻埕，反正未去過
呢度係一個舊有建築物改造小社區
有唔同cafe、又可以去碼頭行下、踩單車
仲有手信賣，有好多唔同香草材料等都幾平
永樂市場入面有間大排長龍壽司店
行完後就去西門町，西門町變返人山人海
午餐飢不擇食去食牛肉麵、小籠包
碗麵唔好提，但個小籠包好好食
跟住再行時開始落大雨，包包想返酒店隔離夾公仔
於是就返酒店放低d手信休息一陣去隔離酒店樓下個"夾子園"
呢個夾公仔店癲架！佢公仔數量唔多但好多零食、日用品
洗碗棉同M巾，人人都一車車咁
我都夾埋一份，感覺太不可思議
然後搭的士去"小李子清粥菜館"
呢度我去親台北都會去，一排排唔同菜式睇中乜就點
3個人點10碟小菜，都係TWD$1000咁上下
每一碟都好味，同埋唔會點得晒
食完佢兩個又話去夜市，由於夜市又太方便去足4晚
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾