請按1字

其實而家好怕打去 Hotline
好怕請按1字、請按2字、請按3字、請按0字
請等一等客戶服務員稍後會接聽你既電話 (音樂聲)
唔好意思現在線路繁忙請遲啲再打過~  然後就被cut線
呢個時候我會無名火三千怒"啤"個電話，然後對住個電話
好討厭呢種機械式操作
*************************************************************************************
今日我怕日元唔夠，就想兌換多啲日元，於是打電話到某銀行打算兌換日元
重複按近乎9次先接駁到客戶服務，之後有一位女士話客戶服務繁忙，請講低所需事項

我：我想兌換日元，而家預訂、會晌幾日後落分行取
銀行小姐：你星期幾會去取呢
我：星期幾啦！
銀行小姐：你想邊間分行取呢？
我答：XXX分行
銀行小姐：即係邊間呢？
我答：xxx，xxx道分行
銀行小姐：咁門牌號碼幾多號？
我：吓？？？
銀行小姐：因為我唔清楚分行既嘢，唔緊要我問其他同事，你留低電話轉頭有同事覆你
我： 1234 1234
銀行小姐：OK！你係想查詢外匯價既？
我：我............我係想兌換日元、而家落訂呀！(火火地)
呀銀行小姐，你到底係咪整蠱我呀？點解之前好地地，你會突然唔明我講乜架！
結果......幾個鐘頭後無人聯絡過我，好彩我再打一次電話，再按9次接通到客戶主任
個客戶主任即時幫我辦手續攪掂
1845hrs：大少爺返到屋企後講番..................原來我地個戶口係有直線專人接聽
我真係...............