遙遠的飯局

日期：六月中某一日 (唔記得日期)
地點：東涌東薈軒    人數：5位     價錢：$854   味道：幾好
其實呢餐飯因為遷就壽星公居住既地方，所以去食既
東涌只食過呢間、味道唔錯，同埋較少人，食過乜呢？
西蘭花炒帶子蝦球
good~

燒味拼盤
成碟都好味，乳豬都好脆又較瘦

雞絲翅
都足料

片皮鴨
上枱時我覺得好奇，賣相唔太好，但食落皮脆既，都OK好味！
伴碟蝦片都好脆
另外…有碟七彩炒鴨絲，無影到相，但鴨絲好"鞋"

清蒸海上鮮
上枱時魚頭對住我，我那個【英明神武】既丈夫即時將個碟調轉

  
我從來都唔食奉送既紅、綠豆沙
楊枝甘露必點，用泰國柚整既，甜度適中


聽日【無啦啦慶典】既安排：
先過海食lunch、行街
訂咗枱食lunch @11:00，之後例牌節目shopping (到底佢買咗禮物未呢？)
之後去Sogo或citysuper買材料整晚餐
雖然到目前都唔知慶祝乜？但我又好期待喎！ 
餐單都已經諗好晒喇，係乜？聽日咪知囉
有頭盤、湯、主菜同甜品