白裡透紅

大少爺日前同我講：不如…你再電髮丫！
其實我把頭髮都直番好多，但每次電髮都要坐4~5個鐘
我實在無乜耐性，但我知道大少爺鍾意爆炸頭既我
上次電髮我同佢都覺得唔夠鬈
初初同大少爺一齊既時候，有次我電咗一個爆炸頭好鬈，但佢非常鍾意
後來因為覺得難打理又經常要補電就整番直，到去年9月再電鬈但總覺得唔夠鬈
加上修剪過更加唔夠鬈
我有理由相信...................
大少爺覺得我要配合一個瘋癲既髮型先襯到經常發癲既我
今個星期之內我要的起心肝坐4~5個鐘去電髮，因為下星期比較忙碌
順便用個新髮型參予一個婚禮，呵呵
琴晚既甜品......西米紅荳沙加豆腐花出外晚飯返屋企整既~
因為之前浸黃豆整豆漿比大少爺早餐飲，黃豆浸多咗就整豆腐花
加埋預先煲好既西米紅荳沙就變成一碗好滑既紅荳沙
整豆腐花唔難，要畢起先最難


我要出一陣街，夜晚返來先覆留言丫！等等啊！