外賣啊！

由琴日至到2月7號，我都會較忙
未必會日日整嘢食，因為大少爺家人由外地回港辦年貨
我會陪佢哋辦年貨又會陪長輩食晚飯，所以就算有攪作都係比較簡單呢！
不過…下星期大少爺會放幾日假陪番我，會陪我辦年貨、去街，好開心(我實在太鍾意黏住佢)
而我2月7號後主要開始學整過年食品同情人節既晚餐，努力呀！
今日睇完明成皇后就出外飲茶，飲完茶同大少爺個妹行一陣後就趕番屋企睇"花師奶"
不枉我趕番屋企，今日幾集好好笑呀
返屋企前諗唔到晚飯食乜就去吉之島，買小型盤菜同燒雞返屋企
我好鍾意南乳味所以覺得好味，我係話純粹南乳味好味
而墊底係枝竹同蓮藕，係我鍾意既
大少爺返到屋企見到後就話：嘩！盤菜？佢諗都諗唔到我會買呢啲餸菜
因為平時我對呢啲完全無興趣，但當你估唔到裡面係乜既時候就會好奇