煮豆腐
當唔想食太多肉、或者好忙或者諗唔到加乜餸
就會煮呢個豆腐
事緣有一次都唔知煮乜就打開雪櫃打開雪櫃
咁見到豆腐同乜乜物物就試下煮呢個
點知包包好鍾意食，就係咁佢久唔久就會出現於晚飯中
重點：15分鐘就攪掂 so easy~哼
食譜：
豆腐 2件(切粒)
蛋白 1隻
清雞湯 500ml
甘筍、菇等 隨意(你喜歡其他例如粟米等都可以)
蟹柳 4條
(用來點綴無咁耐)
水 半杯
生粉水 少量
做法：
將清雞湯加半杯水煮滾，加入豆腐及其他蔬菜材料
滾起後加蟹柳，再加鹽調味
加入生粉水調較自己想要杰度，最後加蛋白攪勻
要個蛋花滑一定要加完生粉水先加蛋白
食時灑上蔥花就更好，仲有少少胡椒粉
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾