大"粟"的愛

今日monday就寫個Green monday食譜，其實係剛剛整完呢個覺得超好味所以想寫

呢個係淮山粟米芝士脆餅，材料好簡單

但出來超級好食，所以點都要寫比大家

等大家唔好以為我掛住睇mirror而荒廢武功，其實我仍然係勤力仔

佢又易做又始味，咬一啖後真係會忍唔住..蒙著嘴說愛你

So I say I love you 花半秒唇齒功夫  使淡靜歲月變豐富

真係好好食呀

食譜：

粟米粒    300g

(用罐裝或紙盒裝粟米粒就得)

鮮淮山   50g

芝士   50g(我今次用車打芝士)

鹽   1/4茶匙

片栗粉或生粉   50g

做法：

粟米粒隔水

帶上手套將淮山刨皮，再將淮山刨薄片

將粟米粒、淮山、芝士撈勻

加埋片栗粉或生粉，鹽再撈勻

無錯！我又知你想問乜

唔使蛋又唔使加水，要加我自然會寫架啦

唔使加呀！

平底鑊加油燒熱，就放入所有材料

煎完一邊再煎另一邊，又香脆又好味大粟就完成喇