今日去dermes激光脫毛，脫 upper lip既毛 (過幾日再介紹)
脫完後美容師小姐問：你跟住去邊啊？
我答：我趕住返去整燒腩仔？
美容師小姐：下？
無錯！星期日睇完may姐個節目，有一股沖動去整
老實講…may姐送左本書比我，好多款都做過，但一直唔敢整燒腩仔
點知…電視機佢親自示範，超易啊
我第三本書有燒肉食譜，但當時係mini個媽媽幫我醃既
自己一手一腳就係未試過，今次大成功，超脆，脆過十八歲啊
大少爺一向好愛燒腩仔，我都ok愛，但今次脆得我有點想喊，真係好想喊啊
從未試過有豬肉令我快樂過，大家都知我唔太食豬
但呢個真係好破例
節目播出後，星期一去買，個超市肉檔呀姐話超多人去買腩肉呢
材料好簡單
食譜…馮美基may姐食譜書：最愛宴客
五花腩 500g(我就自己買一件唔太大既二人份量)
幼鹽 1/2湯匙
粗鹽 150g
紹酒 1湯匙
做法：
洗淨五花腩用薑蔥水煲滾，灼五花腩，灼完後即放入冰水浸，浸到件腩哥變涼沖淨完完全全抹乾水
(may姐教用鉗鉗走d毛，我就請肉檔呀姐幫我刮淨，早知今日帶埋去做激光，哈)
用紹酒、幼鹽勻件腩哥醃過夜，到第二日焗前30分鐘攤暖佢，再抹乾水
用粗鹽鋪上腩哥既豬皮面，大約半吋，放入預熱150度焗爐焗一個鐘
然後呀腩哥拎出來，刮走粗鹽，然後再用200度焗爐焗到佢外皮金黃同吱吱聲
最後將腩哥放涼10鐘，切去底部份(最底既肉會好實)，然後斬件
好脆啊啊啊啊盪氣迴腸的脆
其實我仲有一件事要多謝may姐，但暫時未講得呢！遲d大家就明啊！ *一次過講多次，呢個食譜唔需要篤洞，唔需面，個食譜無既step唔需要做，唔需要篤洞，多謝各位合作！Thank you for your co-operation
回覆刪除又好似好易，攪到我都想整。haha！
[版主回覆11/29/2011 21:01:50]go go go唔好諗，好易，仲好脆啊！開心屎我
回覆刪除等我又整嚟食先得!
[版主回覆11/30/2011 14:10:16]好好味的
回覆刪除好好味呀！
[事頭婆回覆11/30/2011 14:55:48]但我屋企無一個正統嘅焗爐
膽小如蟻的事頭上
[版主回覆11/30/2011 14:10:03]大膽的事頭，你叫你媽媽整丫
回覆刪除好正呀
[版主回覆11/30/2011 14:09:41]無錯！好正
回覆刪除我的最愛,,流曬口水,,,^_^
[版主回覆11/30/2011 14:09:25]自己整比街買好食
我都想喊啊!因為無份食><!!!
回覆刪除[版主回覆11/30/2011 14:09:07]哈！食完好感動
奶仔媽早安 (今日又可以係公司留言^^)
回覆刪除噢.............俾我食到你整既腩仔我都會感動到喊呢~
做法睇落的確唔係好難, 可惜家中冇june爐搓搓><
[版主回覆11/30/2011 14:08:05]明明你有個爐，買完又放迷你倉，你是神經的
回覆刪除我都有看這節目，但有一疑問沒法解答，現在可以請教你了。就是用鹽舖面焗的時候，是沒有用東西包裹肉身，那麼不怕肉汁使鹽溶化，因而變得很咸嗎？就似你以上的相，肉在鹽堆中....請賜教....謝﹗
[版主回覆11/30/2011 14:07:28]唔會！可能側邊會咸少少，但都唔過鹹
回覆刪除你下次拎埋舊腩去DERMES脫毛喇! 個美容姐姐應該會呆左XDDDD
回覆刪除恭喜大少奶,為了個燒煵仔我會的起心肝(同推動自己)買番個焗爐先得.
回覆刪除yummy yummy............food......
回覆刪除我想問, 要不要幫個豬皮銡D孔嗎?
大少奶, 你巧勁呀~~~
回覆刪除呢個我同亞媽都成日自己整呀，新鮮整起真係好好味~~~~ 我地呢D係奇異國唔係想食
落街買就有，自己整就方便好多!
超脆，脆過十八歲啊 <-- 嘩哈哈~~我都想試好耐，因為我都幾鍾意食燒肉...
回覆刪除
回覆刪除正 !!!!!!! =]
回覆刪除屋企無焗爐仲有無其他方法啊??
回覆刪除好似好易整咁，等我都試下先，老公鐘意食脆皮，不過街買個D塊皮好淋，唔好食。
回覆刪除呢個幾方便易整喎, 一於開工先得^^
回覆刪除呢個我真係一路睇一路流口水.
回覆刪除請問唔洗用豬插插豬皮嗎？
回覆刪除嘩，睇落都知超好味呀....無得食呀.....嗚嗚！
回覆刪除豬皮用(蘇打食粉 鹽)上皮 四小時用滾水沖去 鬆針 後去燒 ! 腩肉用蒜蓉 五香粉 粗鹽 玫瑰露 醃味! 行內多用方法之一 爆皮要蕉黑 後刮去 便是金黃燒腩仔?
回覆刪除哎吔,死啦,我睇d唔睇d,唔知係咪我篤咗窿0既關係,有少少靭,但靭中帶脆,我以為係篤得唔夠多窿添! ^_^ ....................原來你係話千奇唔好篤窿...........不過都好好食...算啦,為有下次唔篤啦!
回覆刪除睇見都流口水, 多謝分享
回覆刪除我整完好咸, 唔知點解?