Q & A

今晚約左人食晚飯，聽日又約左人lunch
下晝得閒整定焦糖果仁比聽日見面既朋友

呢個朋友好似追債咁，成日話：我想食焦糖果仁啊我只會冷冷地答：想食自己整啦啦啦啦啦啦啦呢個朋友一定會話：我唔識啊！
我又會答：你唔好所有要煮既野都話唔識呀

結果…有一次呢個朋友比左一堆果仁比我

哼~~~~~~~~即係簡接噴鼻氣，催我整果仁比佢食啦

每次整焦糖果仁都有好多人問既問題

問：會唔會黏立立？
答：只要夠乾爽，係唔會既

問：會唔會黏埋一堆
答：整好後加牛油撈勻，再用叉趁熱叉開就唔會，餅神教既，你唔係連餅神都唔信........嘛？？

問：焦糖果仁難唔難整？
答：唔難，但要有耐性

問：焦糖果仁會唔會乜乜物物？
答：只要夠乜乜，就唔會物物

問：焦糖果仁對大市有乜睇法呢？對下半年經濟前景點睇呢？
答：我唔係巴菲特！

焦糖果仁

果仁 300g(隨喜好選擇果仁)
糖 100g
水 40g
牛油 10g

先將果仁略為烘焗、或先用白鑊略炒

1) 糖加水用小火煮至起泡
2) 加入果仁後熄火拌勻, 此時糖會結晶令果仁表面變白
3) 再開中火繼續炒, 直到有"拍拍"聲發出, 顏色也會開始變金黃
4) 熄火後加入牛油拌勻, 再倒於入爐蓆上, 趁熱用叉把果仁一粒粒分開