2008年2月12日 星期二

令人回味


*出blog隨意門

新加坡土生土長既姑姐煮一手好味海南雞飯

我當然會有家傳食譜啦!

自已整可以去除雞湯內雞油無咁肥膩

街外既會用埋雞油令飯添光澤,但自已整就不必喇

呢幾日有親人到訪,我用海南雞飯去招待

我上星期就實習一次,鐘點姐姐幫我斬雞

但自已就唔知點斬好呢?會用鮮雞脾代替

配上新加坡買既黑醬油最好味!







食譜:

雞:

雞肚放入蔥段、薑、一條班蘭葉

另再用花椒、八角、薑片、蔥段、班蘭葉、少量鹽煮一鍋水,水位要能剛覆蓋隻雞,水滾後放雞入水中

預備一盤冰水

至剛熟時撈起放入保鮮袋,包好後即放入冰水浸至冷卻就可以斬開備用

浸冰水令雞皮變爽、雞油部份成jelly狀、雞肉嫩滑

飯:

用蒜頭幾粒、薑片2塊將米撈勻 或 亦可以先用薑、蒜頭將米略炒

將煮過雞既雞湯去油,代替水煲飯

38 則留言:

  1. 哦! 原來係用雞"水"煲飯!
    話你知...其實我未食過海南雞飯!
    因為我唔想食雞油入肚啊!!!!
    [版主回覆02/12/2008 22:05:00]如果自已整就唔太油既
    上次tantan生日我都知你未食過海南雞飯
    但食過似海南雞飯既意大利飯

    回覆刪除

  2. 好想食呀! 我想問如果祗係用兩隻雞肶, 咁花椒、八角、薑片、蔥段、班蘭葉嘅份量係幾多呀?  同埋你點樣將啲蔥段、薑、班蘭葉放入雞肶度架?
    [版主回覆02/12/2008 22:03:00]用全雞先要放蔥段、薑、班蘭葉放入雞肚
    雞脾唔需要
    花椒、八角、兩樣加埋一一湯匙
    薑片、蔥段、每樣三片
    班蘭葉就2至3片切段

    回覆刪除

  3. 哈哈~真係唔知最正宗海南雞飯係海南島到定係新加坡到呢~ 細細個就食佢既我(我鄉下係海南島呢~) 覺得婆婆煮個d最好味~ 雖然d飯好油但係真係好香架呢~

    回覆刪除

  4. 圓圓 : 午安啊 ~
    嘩.......海南雞飯我同亞仔都好like食呢 ~
    不如情人節整呢味野咪得囉
    唔講真係唔知隻雞係拎去水滾雞而唔係拎去蒸呢 ~~~

    回覆刪除

  5. 太好了!前排miss jubie說下期會post海南雞,我一直等。 現在你先來,還是新加坡正宗的,那我可以開開心心學喇!

    回覆刪除
  6. oh~ 原來用雞水~ 我之前用家x牌雞湯煲飯, 又無用薑&蒜炒米... 哎呀, 等我try try呢個獨門秘技先~

    回覆刪除

  7. 我都鍾意食架, 但從來都唔知點煮

    回覆刪除
  8. 我的偶像:
     
    用雞"水"煲飯.....真係無咁油淋淋 and "黃Gum Gum" 啊! 
     
    你"引爆" 0左我對星加坡美食的思念......我要肉骨茶.....我要黑醬油....我要咖央多士.........我要沙爹..........我要黑胡椒螃蟹!!!!!!!!!!
     
    Fan 上
     
    PS (估唔到我偶像係一位"充滿熱帶風情" 的美女!  )

    回覆刪除

  9. 大少奶 ~~
    你既海南雞飯好有水準
    如果 .......... 你係香港開返間海南雞飯店 相信好多人要企邊呢 
    真係整得有聲有色阿 尤其碗飯   真係好出色
    褒飯唔難  要整雞飯油飯整得好食又健康  就屬你呢碗拉

    回覆刪除

  10. 大少奶...咁你識唔識整叻沙呀?
    我覺得叻沙好好味~
    [版主回覆02/13/2008 22:10:00]我好想學叻沙啊

    回覆刪除

  11. 其實...我未食過正宗o既海南雞飯...唔正宗o既都好似無咩印象...我被其它blog友引到一早就想食啦...不過自己又唔識整...宜家有得食啦!!!等我聽日買隻雞先!

    回覆刪除

  12. 家鄉風味!! 仲正過出面食o個d呢~
    很喜歡你每道菜/甜品用的餐具, 每次都很合襯!!

    回覆刪除

  13. 啊~原來整海南雞要用班蘭葉而飯係用雞湯煮的!
    不過,我都唔識斬雞喎,好怕整成隻雞,等我用雞脾試下先!
     

    回覆刪除
  14. 我以為你係餐廳影d相返o黎添,真係好"正"呀....我相公出親街都多數會食架...好想試下整 .....不過.....班蘭葉....係咩樣架
    [版主回覆02/13/2008 22:10:00]班蘭葉係長型既

    回覆刪除

  15. 大少奶,
    祝您...(由左至右...)
    新年快樂,步步高昇!
    橫財就手,財富廣進!
    大吉大利,事事順利!
    鼠氣洋洋,開開心心!

    p.s.
    遲了一點,不要介意. 順祝您,明天年初七,生日快樂~

    回覆刪除

  16. 我都好鍾意食海南雞飯。

    回覆刪除

  17. 我成日係街食海南雞飯,無諗過自已可以handle 到隻雞。你連家傳食譜都肯share ,咁我要挑戰隻雞先得 ,冰鮮得唔得呢

    回覆刪除

  18. 咦 ... 原來雞肚內要放班蘭葉 ... 又學到野
    我都唔識斬雞,永遠整到溶溶爛爛

    回覆刪除

  19. Hi,  我想知邊到有班蘭葉買?  Thanks!
    [版主回覆02/13/2008 22:09:00]印尼、泰國香料舖

    回覆刪除

  20. 我愛海南雞飯!! 睇咗你食譜先知原來係咁整...
    謝謝您!

    回覆刪除

  21. 好西利呀........ 大少奶不如你開番間私房菜啦!

    回覆刪除
  22. Fatgarfield 肥加菲2008年2月13日 凌晨1:13

    OH... haven't had this dish for a long time... I can smell the yummy rice from here!

    回覆刪除

  23. E咦?????大少奶~~~~~~~~セ咁啱呀???大家都係post海南雞飯!!!!哈哈~~~
    我哋真係心靈相通嘅啫!~~~衰鬼~~~~
    祝你
    1. 新年快樂,
    2. keep住圓圓!
    3. 心想事成,
    4. 大少爺鍚到你濃!
     

    回覆刪除

  24. 圓圓 : 早安啊 ~
    琴晚我O到11點幾啊 ~
    你.........琴晚好唔好訓呀 ?
    快d去打電話啦 ~~~~~~

    回覆刪除

  25. 今日初七人日, 生日快樂

    回覆刪除

  26. 我最鍾意食海南雞d 飯ga !!
    就咁都可以食一大碗呀

    回覆刪除

  27. 大少奶, 我想問下班蘭葉可以係邊到買到呀? 我成日都好想整班蘭雪芳蛋糕, 但又買唔到....但都要講一句個雞睇落真係好好味咁喎..真係想即刻咬一啖.
    [版主回覆02/13/2008 22:09:00]印尼、泰國香料舖

    回覆刪除

  28. 我想問下 班蘭葉係邊度有得買 ?
    [版主回覆02/13/2008 22:09:00]印尼、泰國香料舖

    回覆刪除

  29. 搞到我好想食海南雞飯tim

    回覆刪除
  30. 濃情朱古力碰上士多啤梨2008年2月13日 上午11:22


    嘩...我都好鍾意食海南雞飯嫁...見到都想食... 不過自己又懶得整

    回覆刪除

  31. 我勁鍾意食海南雞飯, 一定要整黎食, 正呀!

    回覆刪除

  32.  yumm...班蘭葉 - where to buy ah?
    [版主回覆02/13/2008 22:09:00]印尼、泰國香料舖

    回覆刪除

  33. 我都好想食啊!!!

    回覆刪除

  34. 我最愛海南雞飯架喇 ~
    多謝您丫 ~ 我一定要試下整先 ^^
     

    回覆刪除

  35. 靚圓圓
    唉... 我真係唔見咗樽黑豉油~~
    究竟去咗邊?

    回覆刪除

  36. 水滾後放雞入水中 <﹣﹣ 咁洗唔洗熄火,等D熱水浸熟隻雞?或是由得佢繼續開火煮熟隻雞,咁要熟幾耐?同埋想問下黑醬油在那兒有得賣? 好多問題呢。多謝賜教!

    回覆刪除

  37. What is 班蘭葉 in English?

    回覆刪除

歡迎大家留言,但會先檢閱先會顯示,謝謝
此舉避免無聊九唔搭八人滋擾