好耐無見既一個人午餐隨著我閉關又開始從出江湖
其實無乜特別既
"香草白酒蜆肉磨菇意粉"
但我鍾意張相影得靚啊
全靠我部老爺相機
話說我部相機用咗幾年，我唔換全因我控制得揮灑自如
但大少爺已經頂唔順地講：
今年你生日無得揀，一定係相機
我就答佢：
噢！我想要番XX牌子、XXX型號，No:XXX
大少爺：
咁有乜分別？
我答：
係同一牌子、同一型號、像素大啲、功能最重要一樣，咁有乜分別？Um..咪就係個mon大1吋、再薄身啲咁囉！但舊果部我依然會用架！
大少爺即時露出想
"噓"既表情
我樂於用我部老爺機，係你無啦啦話要換我部相機之嘛！哼！
我係
新科技缺乏及新資訊自動過濾症既
大少奶..... 噢！
回覆刪除部相機OK呀！啲相好得！
btw,咁係咩Project呢
[版主回覆10/22/2007 16:29:00]係一個要考慮好耐既定野
成事先講你知
回覆刪除No 2 tim!
回覆刪除我都係咁話，用開部機熟左，唔想學第二部！HEHE，但有陣又好想買部單鏡機！
香草白酒蜆肉磨菇意粉，正，但要坎白酒呀！
蜆肉你用邊隻架？我上次online買既連殼既好抵食又好味！
[版主回覆10/22/2007 16:28:00]蜆肉我買citysuper既罐裝蜆，係澳洲出既
比較濃郁蜆味
連殼既煮出黎靚好多
對相機我絕對唔花心呢
回覆刪除大少奶 ~~
每次陪伴我去餐廳酒樓
入我廚房果部老機
都陪我超過4年拉
我同你一樣 唔換唔係因為無好既新機
不過 要完全掌握一部機 係要好長時間
而且 佢出來效果依然得得地
如果我多架新機 我既老古董依然會陪伴我呢
[版主回覆10/22/2007 16:25:00]影子
我部機唯一缺點就係mon細
但最重要我唔需要用閃光燈影
出黎好自然啊
回覆刪除咩project咁神秘呢?
我覺得你影d相好靚呀...效果好好~
最緊要自己中意...無壞唔洗換呢~
[版主回覆10/22/2007 16:23:00]但係個mon得1.5始終細左dd
可能你到時見到我部機叫我早d換添呀
回覆刪除仲有，以前我未病，都整過黑椒白酒忌廉煮鮮蜆，真係易整又好味！諗起都想食！
[版主回覆10/22/2007 16:20:00]白酒配蜆good~
回覆刪除我係canon fans，所以換機首選canon，次選都係canon 因為我懶，我唔想學新function 只要canon唔太差，我會繼續用～～
[版主回覆10/22/2007 16:19:00]我直頭覺得新function對我來講係無用既
回覆刪除你要同大少爺講你唔係貪新忘舊的人, 除了你去shopping買衫褲鞋物, 化妝品時....
[版主回覆10/22/2007 16:18:00]仲有除了餐廳啦、電器啦、家具啦！擺設外
其餘都係始終如一，你睇我出街飲凍檸茶、屋企飲可樂
家姐...
回覆刪除其實你部相機影出黎既相真係好GOOD架!!! 我以前都係用nikon... 正野呢!!
但我點都估唔到你想買返部90%一樣既新機姐..真係俾你吹到"啤"一聲..haaaaaaaaaaaa
妹妹字
[版主回覆10/22/2007 16:16:00]妹妹
係98%一樣既新機啊！
其餘1%個mon多一吋、1%係薄身d
仲有…佢送我照要，但我依然會用舊機影相
家姐字
回覆刪除你也未有生ｂｂ念頭 ？
[版主回覆10/22/2007 16:55:00]我自私，我享受大少爺同我既二人世界啊
回覆刪除生個小朋友都幾好玩架, 起碼係人生一大樂事.
[版主回覆10/22/2007 16:55:00]我都有諗過，但又享受大少爺同我既二人世界啊
回覆刪除我而家都好怕接觸太多 functions 的機，反正我又用唔著，多隻香爐多隻鬼，易壞o的呀 ...
[版主回覆10/22/2007 16:57:00]春桔
係啊！總之我只想影出黎OK，唔駛加閃光燈既
甚至...攝錄功能都唔駛
回覆刪除妳係長情大少奶.....
[版主回覆10/22/2007 17:15:00]我係新科技缺乏及新資訊自動過濾症既大少奶.....
回覆刪除我唔用舊個部時, 都唔知幾唔捨得! 仲話整番好我一定會繼續用佢啊!
點知.....
新個部一用, 我就唔再理舊個部喇! 因為實在相差太遠呢!
回覆刪除有時真的新不如舊
回覆刪除我好鐘意食白酒煮蜆,不過唔識亦無時間去研究!
回覆刪除圓圓
我都係一樣既人啊!
腦部停止接收新資訊新科技婦人
珍珍上
回覆刪除你影出黎D相, 全部都好得喎! 我係屋企無論邊個角落影都係會反光既 , 都唔明咩解救!
回覆刪除我想講好耐就係....你部相機影既相真係好靚架!
回覆刪除圓兄弟,
一個念舊的人絕對是一個好人!
我都鐘意用舊野著舊衫因為更加適合自己!
秋香兄弟上
回覆刪除哈哈哈..... 用開有感情呀嗎!!!唔換....代表你.....專一呀!!!!!
今日生日呀我!!!!!!!!!好開心呀!!!!!哈哈
回覆刪除家嫂:
用慣左真係唔願換啊
我用慣部手機, 錄音方便影相方便,
好似你講: 全因我控制得揮灑自如
所以我舉腳贊成你: 新機照要, 舊機照用!
我們這一家, yeah~~
回覆刪除(Empty)
回覆刪除圓圓美人: 晚安
hehe.....我呢個浮誇人就喜歡新科技 , 可惜亞仔就會同我講你部舊野d functions 都未玩野晒又想買
回覆刪除你個頂...好驚喜呀!!!好靚呀!!!多謝大少奶祝賀~~~~~~開心死我啦.... (今晚可能因此訓唔著)
回覆刪除大少奶!唔同o架!就算係同一model...乜乜物物相同...但係D制唔同位感覺都係唔一樣o架!我o岩o岩買o左部同我部舊Canon同一個model o既俾cousin...試影幾張相我已經撒手+擰頭啦!啦啦聲去羅返自己部n年前o既Canon先有返D安全感咋
回覆刪除圓圓,
係呀, 用開nokia一轉samsung就大獲
但係當轉番nokia又唔識用.....
真係呢~
回覆刪除圓圓美人 : 早安啊
我今後2點打好o左篇blog, set o左 10:23am出呀, 唔知你又可唔可以做亞一呢, 哈哈哈哈
另 : 唔記得同你講, 我塊爛面的確小氣, 我o地果日讚一讚佢好d d, 佢即刻出番 3 粒大毒瘡過我呀
回覆刪除我自從轉咗工.. 冇得用部公家機之後就好耐都冇影相啦!!! 我就來生日都想有部相機做禮物.... 但又想換電話!!! 喔!! 好貪心啊!!
回覆刪除我都係用開一個牌子就會keep住用..用開就熟習佢0既性能嘛
回覆刪除無錯! 百份百支持用開有感情 ~ 新歡不如舊愛!
我上上一部係Nokia 6110, 用左2年幾, 上一部Nokia8210用左6年, 到佢失靈退休, 之後都係換返Nokia N70, 到依家都2年囉! 早前試用過Motorola, 用左一星期就啦啦淋比返男友, 用唔慣佢啲制式!
回覆刪除我午餐最鍾意就係食意粉喇~~~
回覆刪除我都係d咁既人, 有時用慣咗就唔想轉, 費時又重新學點去操作...不過我份人好懶, 連相機都極少帶, 多數貪方便用手機影~
回覆刪除大少奶, 你影D相真係好靚呀! 好似人地D廣告相咁呀!