好！今日禮品巡禮
我指既贊助禮品
um....以下既用品，我係覺得幾唔錯！
如果有d我跟本唔覺得好既，我會同PR講：對唔住我幫你唔到！
同埋我只能夠寫出感覺，而唔係要講到天上有、地下無，我並唔係賣藥專員
Ikea送左呢Set用品比我
我好想講：樽古古力好好食，古古力面，裡面係脆焦糖同杏仁粒
好似樂家杏仁糖，但細粒d，無咁硬，我同大少爺都鍾意！
星星餐具
我本身唔鍾意花、唔鍾意心型，星星我就幾鍾意
呢set我覺得靚啊，好襯聖誕既氣氛呢
其實箱禮物內仲有盒薑餅屋，但我未整啊
多謝Ikea
跟住呢set有機湯包
初初PR同我講係火鍋湯包，我諗好耐，磨菇湯點打邊爐呢？
最後我忍唔住當餐湯飲
我比左盒番茄湯呀妹、粟米湯事頭婆
湯包本身唔太鹹，鹹味自己調較，所以唔會似罐頭湯有死海既鹹味
所以鹽份係較低
第一盒試係西蘭花湯，好好味！我同大少爺都估唔到
磨菇湯…都ok架！好香既磨菇味
星期日既南瓜湯就係盒大湯包
表弟表妹都覺得ok！
方便，一盒湯加大半盒水
價錢都唔貴，我見過百佳只售$15到，我自己都會買定一、兩盒鎮宅
方便嘛！
Avalon Organics既 Shower gel同Body lotion
um....初初我收到時，無太大感覺，因為我被"蟹樹"侵佔
後來晌好乾燥同凍既日子開來用
shower gel唔錯，佢唔太多泡，但沖完至少皮膚唔太痕
隻Lotion都夠潤
同埋隻味有唔係勁香既味，似天然既薰衣草味
天然薰衣草唔係坊間既勁香味喔！
以下係City's super果匠工房送既抹茶蛋糕
唔好意思！我錯手del自己影既相，只能用提供既
呢隻抹茶蛋糕，好濃抹茶味
其實太濃我會驚澀，好多年前我食過好濃、濃到澀既抹茶甜品
攪到好多年都唔敢再試
所以初初我都驚呢隻蛋糕太濃，試過後，覺得佢真係好濃
但無乜澀味，同埋有茶香，質地都唔錯，夠軟身，唔會硬倔倔
配紅豆蓉當茶點都唔錯架
一盒5件$98
Fans page仲有新blog. Click here--->
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾