2015年7月2日 星期四

Day 2@ Tokyo(涉谷、原宿、麻布十番)

Day 2一早起身打算去惠比壽食拉麵

同埋因為同涉谷近,咁去行個圈都好,點知…乜都未開

咁是是但但食個拉麵先走,個拉麵唔太值得推介

所以一切從涉谷開始

以往我會從原宿行落涉谷,但今次行程好趕,所以一站搭一站咁走



去到涉谷因為想去洗手間入了一間百貨公司

但我忘記了自己入了邊間,但見到一間食Crepes既餐廳

就入去食個crepes 


我要的焦糖味,好好好好食


車人要的栗子味

就係咁…無啦啦就食了份甜品了


去我目的地,Ape

大少爺夏天常著既品牌,價錢比香港平一半

香港一件 $800,呢度$400

入到去要排隊,排了大半個鐘

我呢類唔等得既人,為了大少爺就排了大半個鐘了


雖然要排隊好討厭,但sales既態度好好

佢地要人排隊就係為了一對一咁去招呼你

APE在東京有兩間分店,一間晌表參道,一間涉谷

涉谷晌Parco百貨公司隔離,咁樣講…你就會好容易搵呢


任務完成後週圍行…近日興起蛋黃哥……





行了一段時間搭一個站落原宿既竹下通

呢度十年如一日都係似女人街

無乜期望,結果買了兩條裙,都係d一件過方便湊仔去街著


今次去日本有樣唔同,發現多了日本製既商品

大家都知…早幾年晌日本要買中國貨

今次日本貨唔難搵喎

我買了6對襪做手信,1000yen有3對,款式靚同重點:日本製

地點:竹下通,大家唔好心急,行下行下到中段就會見到

掛晒出門口的 


之後搭車去麻布十番

搭JR到代代木站或新宿,再轉都營地下鐵去麻布十番

呢度都幾多食店,其中都有特式的




一出地鐵就有一間專賣鹽既,裡面好多鹽啊



跟住週圍行,呢間係好出名食鯛魚燒

我好開心行入去打算買

點知…佢要我等20-30分鐘

我…當…然…算…吧…啦!哼

其實因為我20-30分鐘後會食晚餐,所以無返轉頭啊


與你約錯終點  命運都改編....................

吃不到的鯛魚燒是酸的


再繼續行,見到呢檔賣串燒賣串燒

佢得雞肉同豬潤賣


乜事呢兩串野咁好食,串豬潤好大驚喜啊


食友  Chris 幫忙訂位的壽司店

大少爺唔食剌身食物,每次去東京都只會去美登利

我要生既壽司set,佢要全熟的set

今次可以食 Omakase由師父去決定比乜你食

呢間壽司店被評為東京最出色既壽司店

地址:東京都港区麻布十番3丁目3番地2

晚餐價錢 :10000 yen,飲品另計

價錢佢唔貴,因為每一道都令你覺得值得


店子小小,但招呼同親切度滿分



師父會用唔同食材去配搭

呢個吞拿魚配上蒜片及生蔥,鮮味中帶點香辛



我喜歡食燒蜆,呢個好鮮甜,熟度剛好


唔逐一介紹,看圖都睇到新鮮











 呢個八爪魚配上有檸檬味既鹽,好味



加上紫蘇葉好香



呢個素卷用青瓜、紫蘇葉去做,簡單得來清一清口腔


食到咁上下,師父會問你飽唔飽,唔飽佢會繼續整比你食

如果飽佢會送上生果,呢個西瓜又起沙又甜

呢餐大滿足~每件壽司都似師父用心做,好食


跟住沿路去返搭地鐵,鯛魚燒收了鋪

搭去新宿轉車返池袋

都營地鐵一出係新宿南口Lumine,好比唔比,比我見到林屋茶園

於是…又食甜品!!!

真係無得頂既一日啊


好好味













大少奶's Delicatessen

宣傳你的專頁

2015年6月30日 星期二

Day 1 @ Tokyo

由大肚開始,已經兩年無去過旅行,對上一次已經係2013年南非

一直都只喜歡同大少爺去旅行

早前趕書、湊包個人累到只想攤在梳化

大少爺見到我咁就話:不如你去個旅行啦

我問:一家人去?

大少爺:唔係啊!你帶埋個包去就會無得休息!

就係咁呢個旅程原定我自己一個去

後來車人加入,就晌短時間內決定月尾去一轉東京

而且…居然咁短時間內搵到機位同酒店

去旅行我除了購物,其實我好鍾意去d寧靜既地方比自己有個喘息既機會

但今次得4日3夜,我只能最靜既地方係去惠比壽行個圈

近年韓國衫這大Hit,的確韓國衫既款式比日本好,不過…我覺得韓國衫款好質地卻無咁好

不過日本既款式多年都係咁上下,我呢次去跟本唔會有期望,但都唔會覺得好需要怨

因為旅行能買到野,都是一種緣份,今次買得兩條裙,其中一條都未必會著

另一條方便湊仔,我覺得已經夠,因為衫其實幾時都買到吧

雜物又無預期既多,跟本無乜時間慢慢去揀,買唔到咪由得佢囉

如果旅行只為乜都買到,咁個旅行會好痛苦的,哈~

不過…我卻開心買到包包麵包超人同幫大少爺買到衫同買大量食物比佢

而我除了化妝品、mask、之外,仲有d食材

近年好多簾航,我都只揀CX




當日落雨,去到池袋先去酒店

萬大事去買d野食,之後有朋友話我知…個豬扒包左上角既係換咖啡既coupon啊


人來人往既60通,大少爺無去所以無入過公仔鋪

當日落雨,我去買了把500yen大透明雨傘

去日本其實唔使自己帶傘去,去買把大傘方便得多


一直希望再去呢間食,呢間我晌幾年前同大少爺試過

佢食炭燒食物,但飯燒飯卷鍋物好好食

地址:池袋東出口(ISP M35出口最近)行去60通方法會有間大麵包店
留意左手邊會有不同既大招牌,有一個同呢個一樣既招牌,轉左行前少少就係

我粗心大意無寫低地址,不過都唔難發現





上次來menu圖文並茂有英文menu,今次有埋中文

但中文、英文餐牌都係唔得10份1既菜式

唯有再嘗試晌日文menu中亂點吧


全間店得一款牛肉,佢呢間主打雞肉的

呢串牛當然唔係和牛,但勝在juicy


要了8串拼盤,有雞肝、雞心、雞腎、雞軟骨、雞肉外

仲有雞動脈,噢!我完全唔敢食



呢個就係亂點出事既清酒煮蜆,我都唔知幾時點既

哈!不過非常好食,個蜆剛剛熟


呢個就係我喜歡飯卷鍋

我又唔識睇日文menu,咁點算?摷番自己個blog,再指比佢睇

哈


有乜燒蜆?

呢個真係我點既…燒既蜆係鮮味精華所在啊


路邊社…

呢款三文治係我咁多年都會買

太好食,如果洪瑞珍你喜歡,呢個你更喜歡

佢既餡料絕不小,一份唔需要200yen,好多款揀

今年出了一件四款,我食足幾日再買回來

仲有漢堡扒餡

從前有楓糖牛油,但消失了

各大便利店都有售,但池袋JR站卻有專店,有齊咁多款揀呢


大少爺的手信,你懂的


蛋黃哥



佢週圍都有,我每間都入,大同小異但間間略有不同

全部300 yen,上佢個網睇睇吧


呢隻每次去日本都買既止痛藥

每個朋友都覺得有效,旁身之品

各大藥房有售


蒸氣眼mask,敷落有熱力,都幾舒服的

有唔同味道 大約唔需要 500yen有5片

10片裝好抵   855yen咋!但被人搶晒

香港759都有售,價錢:不詳

哈


我同大少爺最喜歡厥餅,大少爺去親日本都每晚一盒

今次我無去要排隊既店鋪買

反而晌超級市場買到有紅豆味夾心既,我鎖定一定要買回香港

最後一日以為買唔到,打邊自己跑走地鐵站買

好彩離港前超市返貨買到兩盒





大少奶's Delicatessen

宣傳你的專頁

2015年6月25日 星期四

專欄:深愛著你


照顧的過程有勞累、也有勞氣,但當想到是自己帶他來到這個世界,就要努力去給他愛。
愛是最好的養分,也希望他學懂去愛
涼拌秋葵,秋葵是很好的菜蔬,可以降血糖、降血脂及抗氧化
不過它的黏液未必人人接受到,配上泰式沙律汁會變得清爽,是很好的配搭
今期專欄:深愛著你
專欄食譜:泰式涼伴秋葵   





大少奶's Delicatessen

宣傳你的專頁

2015年6月22日 星期一

月亮


又回復放假的心情好爽,本書出唔切卻可以輕鬆多一陣子

自然想對自己好d,整自己鍾意食既

其實我真係好鍾意食蝦膠、墨魚膠等等既食物

咁我就摷雪櫃用包蝦肉去整

上星期專欄個年糕春卷又剩下半包春卷皮

整冷烏冬又有飛魚子剩

就整個月亮蝦餅啦啦啦

月亮蝦餅係我經常都見到台灣食譜網站有人整既

我想整好耐呢!尤其我識得用簡單方法整蝦膠

佢又香又脆又易整呢,哼


想蝦爽好簡單,用生粉同鹽去摔佢,摔到佢有黏液感覺就沖水


要完全索乾水份,完完全全乾晒

加少許鹽、生粉再撈一撈,加少許麻油撈勻後就放回雪櫃雪30分鐘

令佢更爽


我用超方便既方法,就係用Fissler支攪拌棒,我一打d蝦就開始起膠

如果大家無既話,可以先拍扁d蝦,再剁一陣

但一定要記得蝦要完全抹乾水份


打完後有少許彈性,就用保鮮紙包住,撻佢十幾廿次就可以喇



我加入芫茜碎及飛魚子撈勻,搽落春卷皮上鋪平


面再放春卷皮半煎炸就可以








大少奶's Delicatessen

宣傳你的專頁