扮晒嘢

我終於成功令包包食好多菜，佢當然無咁順攤同我食

係因為我整"扮晒大阪燒"，包包同dad、mami一樣鍾意日本

咁我整呢個菜式佢實落疊，咁其實佢係乜呢？登~登~椰菜蝦煎蛋之嘛

最重要係用日本大阪燒個汁再加動人紫菜，佢就真係爭住食

見到包包起勢夾嚟我同大少爺邊食飯邊偷笑

不過…包包下個月去大阪到時佢就會發覺媽咪整嘅跟本唔係大阪燒囉

呢個真係好好食，當然咁多醬汁只會偶然整次比佢食下開心下

用2隻蛋打勻

椰菜用半個，你可以切絲又可以刨，我就每樣一半

亦可以加唔同餡，例如蝦、蠔、八爪魚等等都可以

撈埋(千其唔好加鹽，否則會出水)，就煎得架啦

煎好後淋上大阪燒醬汁、沙律醬加紫菜絲

就可以喇！簡單易做呃細路，哼

大少奶's Delicatessen

宣傳你的專頁