心太軟

今日中午出左街一陣食完Lunch已經叫要返屋企
好彩熟悉我既人都知我唔熱得！
加上好想睇重播既"天國的階梯"
我第一次睇韓劇係睇天國的階梯、第二套係Full House
而家翻做天國的階梯，我有本事睇第二次都繼續喊
其實劇情係好老土既橋段，仲有男女主角不停喊住叫對方個名
但偏偏吸引我呢種內心擁有滿瀉感情同澎湃眼淚既觀眾睇
大少爺知道重播已經話：【你唔好睇啦：去街啦！你又邊睇邊喊】
但天氣咁熱我寧願流淚不流汗..............
第一次整"心太軟"
我睇好多討論區，好多人試做都會焗到個心實晒無流醬
所以當呢個蛋糕焗緊既時候我好緊張企晌焗爐側邊望實個蛋糕
好彩！都有朱古力醬流出！