歡樂今宵

椒鹽鮮魷

近幾次出街食飯都同椒鹽鮮魷擦身而過

決定自己整

當自己都整到出面一樣水準的話

我又使乜怕食唔到呢，哼~

佢唔係想像中難整

#魷魚無人敢碰祕密現在被揭曉

食譜：

鮮魷   1大隻

雞蛋   1湯匙

生粉   適量

蒜頭   3粒

辣椒   1隻

蔥白  4條

椒鹽  1/2茶匙(可以用少少五香粉加鹽代替)

做法：

1.鮮魷洗淨先抽走軟骨及魷魚鬚，切走魚眼等位保留魷魚鬚

搣走表面深色塊衣、再晌中間切開成一大片再洗理裡面黏膜

2.用刀將鮮魷界花，係要界魷魚肚嗰面，並非表面本身有啡色衣那邊

將佢打斜用刀切，但唔好切到落底令佢斷

切好一面再切另一方向做成格仔

3.先將鮮魷出水，煲水到大滾落少少酒

然後熄火將鮮魷放落煲

利用餘溫將鮮鮮燙一燙只要見到鮮魷卷曲就撈起瀝乾水，再抹乾

4.醃鮮魷只需要用鹽撈勻，唔好放其他濕調味料

再加一湯匙蛋液撈勻，唔好落得多剛好撈勻就得

5.放入生粉撈勻，要切底沾上生粉

然後再將佢多餘粉拍走就可以落油鑊

6.熱鑊熱油用中大火炸至定型就撈出，呢個時候會多油份

等油再滾就將佢回鑊(中大火)炸至金黃色

7.將蒜頭粒、辣椒、蔥白粒加鹽及五香粉放入鑊

加少少油炒香佢就可以將鮮魷放入去兜

而我就會選擇將炒好料頭淋上面，食時先撈勻