青BB(附青咖哩食譜)

好熱，今朝落街d風係熱既

我覺得自己好似晌焗爐中既麵包，仲要係有蒸氣既焗爐

熱得要命

回家後睇下電視，nap一陣

今個星期太忙，忙到好累

尤其琴日…我做埋兩個食譜交比萬字醬油、再幫清熱酷寫篇文，再去可口可樂event

回家後再改篇稿，跟住散晒

於是今日又望天花板，同睇番琴日集心戰，噢！你個勒兆楠殺左章世言，我嬲你呀

今次陳豪個角色雖然有點變態，但我覺得佢好型，一個好型既cupuinno，哈哈

睡醒後…整青咖喱雞，悶熱天氣真係要辣一辣佢

我愛青咖哩既香料味，又易整喎！Like

青咖哩醬已好重香茅味道，又夠辣，基本上唔太需要加其他

我會加少許芫茜，同青檸葉，但今日無青檸葉賣

椰漿要熄火先落

做法：

雞    半隻或一隻切件及略醃備用

青咖哩醬     一包

淡忌廉 50ml

水    100ml

魚露 少許

糖     2茶匙

乾蔥頭    5粒切片

蒜蓉    1茶匙

如果落香茅或青檸葉就隨意，唔加都可以，好多香港人未必慣太重香料味既

做法：

將雞略煎至5成熟，只需要少少轉色便可以，加入蒜蓉同乾蔥片兜勻(如落香茅等香料可於呢個時候落)

加青咖哩醬，兜勻，遂少加入淡忌廉，然後加水，及糖，煮滾試味(唔夠辣可以辣椒，太濃味可以加熱水)，轉細火炆20分鐘便可以

熄火加椰漿便可以上碟

有其他菜式，所以用半隻鮮雞整，大少爺有咖哩雞腳，哈

上次放個Fissler鍋入焗爐，便了黃色，心痛

好彩Fissler marketing小姐好人，sponsor我支保養劑，用完後靚仔番



如果用不

拿咋沙(附薯仔沙律食譜)

今日天氣實在太熱，又焗

攪到個人憫憫憎憎

晌書房開冷氣，但陽光既剌眼都感覺出面好熱

有個風來緊嗎？真係風雨前夕風平浪靜？

今日一起身，幫一位前輩寫一篇紀念文章，憶述她身前點滴

晌教會裡唔係經常溝通，但一個陽光般既笑容，原來已經令我懷念不已

到生命終結一刻，原來令人懷念既.....即使係一個燦爛笑容就足夠

陽光    可以係好熱，令人煩燥

陽光    可以形容一個燦爛既笑容

陽光     更加可以係一包檸檬茶

我又陷入矛盾中

矛盾不單止係情感，也可以係食物

沙律可以係健康，可以肥到爆，而呢個沙律好多女仔鍾意，但係支不抵債肥到爆的

不得不提，沙律上既蝦，係雪蝦，但閒買包晌屋企點綴下

配沙律，都唔錯，但唔好當白灼蝦食，哈哈



沙律

薯仔   兩個

洋蔥碎粒 半碗

紅蘿蔔粒  半碗(先灼一灼佢)

沙律醬大量  -__-"

做法：

將薯仔洗淨連皮烚熟，烚既時候篤得入，可以熄火唔好開蓋焗熟，連皮烚可以保存薯仔香味

放涼後，薯仔去皮，壓爛成薯蓉

加入洋蔥粒、紅蘿蔔粒，加一大pat慘不忍睹咁多既沙律醬，黑胡椒粒拼命三郎地撈勻

可以加煙三文魚、蝦、蛋、乜乜物物配合同食！

天花板(附紅豆豆腐布丁食譜)

琴日唔見我，有望穿秋水嗎？

其實呢輪比較忙

咁琴日因為忙嗎？

唔係

我琴日替萬字醬油做食譜，然後大部份時間都係望天花板

每逢我有心事、唔開心、或者失意，我總會懶洋洋乜都唔想理去望天花板

夜.....天花板有這段戲    總關不上心裡的放映機

不過…望完係無解決得到既呢！哈

咁我琴日係咪唔開心？um....又唔算係，只係個腦多野諗，所以望下之嘛

雖然咁過一日，但我都有做食譜同埋甜品比大少爺

大少爺有個習慣，每日回家會打開雪櫃去檢視雪櫃裡面有無出奇蛋，即係有無甜品、我又買過乜等等

有時我同佢去街，正諗緊雪櫃有乜，佢講得出架

尤其冰格，因為佢乜都鍾意放入去

癲癲地

琴日整呢個豆腐布丁，好清既一個甜品，配紅豆蓉

哼

盒裝豆腐  200g (我用蒸煮滑豆腐)

豆漿  300ml

whipping cream      50ml

 糖  50g(視符口味)

魚膠片  10g

做法：

1. 豆腐 用攪拌器打爛至漿狀

2.  魚膠片凍水浸軟備用

3. 豆漿、忌廉加糖煲熱，至糖完全融便可以，加入浸軟魚膠片，放至暖身

4. 將放涼既豆漿加入豆腐中，輕輕攪勻

5. 用篩隔一次，令布甸更滑，然後放雪櫃少3小時

可以配紅豆蓉

飲勝(附黑啤豬肋骨食譜)

星期六同大少爺起身時已經兩點！無錯…係兩點

於是落街食下午茶

又他他條條咁過一日

一早已經計劃唔會外出，因為我要煮晚餐

假期煮晚餐我會比較嘆慢版

假期煮晚餐係享受，所以會比平時慢6、7、8倍

平時我唔知點解總係會好似清兵入城門咁沖呀沖，唔知為乜架

大少爺生日上山頂，驚覺發現佢愛食豬肋骨

於是我就諗，希望買到整比佢食

最後晌又一城既Taste買得到，我開心到癲

癲係因為…我又可以親手將你喜愛的，整比你食

我覺得能夠親手整比佢食，見到佢鍾意，呢種係好幸福既感覺

付出都係幸福既一種，有個人令你認為值得去付出都係幸福既一種

而我能share食譜比大家都好幸福，一直以來你地愛錫我都令我感覺到好幸福

我無乜可以回報，只能夠將值得share既食譜送比大家

今次呢個黑啤豬肋骨好得，開心屎我，用啤酒醃令到個豬肋骨用鬆化唔un，得到我想要既效果



Look~



首先：我用既材料

1  黑啤(本身我想買健力氏，可惜我家附近間百佳一買要買一pack，好煩之際見到呢隻，都ok~不過下次我都係會試健力氏)

2.燒烤汁(City's super $21)呢隻係我覺得好似街外食既烤燒味道，佢有兩隻，我揀Honey味

3.豬肋骨  (Taste) 一條都係$50有找

4.乾蔥、同埋保鮮袋一個

做法：step 1

將豬肋骨解凍，然後洗淨抹乾，跟住先搽一層醬油、1茶匙糖醃1個鐘(生抽都可以，我用萬字醬油)，因為唔搽層醬油，個燒烤汁會唔太入味

跟住落半罐啤酒，再加半碗烤燒汁搽勻件骨，最後加入乾蔥，放入保鮮袋醃一晚

焗爐預熱220，豬肋骨首先用錫紙鋪面焗20分鐘

做法step 2：

用1/4碗蜜糖、1/4碗燒烤汁，撈勻(做成蜜糖燒烤汁)

拎開鋪面錫紙，搽上蜜糖燒烤汁

每隔5分鐘搽一次，共四次後約20分鐘以熄爐

然後唔好拎出來，約5分鐘後先出爐

時光倒流

琴晚屋企全女班，連大少爺都避席，哈哈

好開心一晚，琴晚既朋友全部都係年青人，2字頭既青蔥歲月

幸好，我相信我同佢地溝通得到

佢地教識我玩..........唔知乜遊戲(唔記得個名)，同牛頭王(呢個我初初第一鋪好似京華春夢一般，後來都明係乜)

唔係煮好多野，但諗既時候方向係要諗年青人愛食乜

之前30人生日會既食物未必係佢地鍾意

於是諗d我認為會佢地喜歡的

以下呢個蛋糕送比明日壽星

To:K，生日快樂！希望你每日都快樂，主恩滿滿，咁就大家樂吧

今次個蛋糕做得幾滿意，滑

全靠個乳化程序做得好

我無影晒全部

呢個話梅茄將會晌呢個夏天不停整

個茄用韓國茄

煙三文魚薯仔沙律，好受歡迎

好味

焗雞，今次勁，我成個Fissler鍋放入焗爐焗，方便又好用

放到兩隻雞，又唔黏，好過用焗爐盤加錫紙

漢堡牛肉

逼人食沙拉骨

仲有一盤日式牛肉飯、cream brulee同粟米片無影到

好開心既一晚，好似令我回春似的，時光倒流那些年咁

同年青人相處唔難，只要肯投入佢地世界，接觸佢地玩既野已經會開心

李斯德林 6in1

話說我有一直有用漱口水

尤其夜晚一定要用

都係一直用李施德林，不過用佢藍綠色

不過講真，對於我來講好"拿"

無試過紫色，因為我唔知佢乜味，我唔可以再"拿"落去

最後…有sponsor，咁講真，漱口水係日常必需用，一試都無妨

試後…呢隻無咁"拿"，我接受得到，最後有少少甜味咁

唔會太勁

所以我用完贊助品後，都會買紫色6 in1用呢

逃出沙拉熱鍋(吞拿魚焗長通粉)

好厭

好厭喇

唔想再食

我已經厭了沙律醬

經過我幾日攻呀攻快搶攻，食呀食食它吧…之後

厭了

不過都post下沙律醬狂熱時之午餐

幾年前，同朋友去一間餐廳，間餐廳已經結業

裡面得一樣我仍記得

就係焗吞拿魚長通粉

佢用律醬焗，好好味

我自己整唔番

後來BB沙律醬興起，我整過仍唔滿意，甚至BB醬炒意粉...........um...........我dislike

今次終於得了，哼

原來加少少淡忌廉，這世界便不一樣

好簡單：快通粉煮軟

用2湯匙沙律醬加2湯匙淡忌廉撈勻、加少少鹽

將吞拿魚、粟米粒、洋蔥粒、撈勻，做成吞拿魚醬

然後吞拿魚醬一半撈長通粉、一半醬汁倒上面

灑上芝士200度焗5分鐘，done

以上份量兩人份量

今晚又有朋友到我家晚飯

今次連埋我8個，唔太難，我hea住整都應該整得切

希望全部成功我可以post上來啦

但唔講得整乜住，因為有今晚到訪007睇我blog架！哈

黑仔王之苦中三種甜

今日我黑仔王

不過…始終會過去，都無謂提

除左一連串黑仔事，今日做過……

去過尖沙咀、去牛角食左個無人招呼、無人幫我開爐、杯汽水又無汽既午餐

行街買左件衫，但著得唔太好睇，要拎去換

買左兩對耳環

去睇鼻專科，因為個鼻唔太通，連朋友們聽我把聲都話點解仲盟盟地，大家放心，I'm ok,唔係病，只係少少問題

晚上在吉之島見到佢，佢來香港啊！韓國隻market O bownie啊！都叫做開心番丫

黑仔王的苦中一點甜

一個人出TST諗住食個快午餐，你都知我麻煩，一個人唔愛食快餐，唔太去茶餐廳

咁去牛角都好丫

點知…我坐晌死角位，簡直係…牛角燒烤揮手區

叫天不應叫地不聞

我每次都好次送飛機咁大力揮手好耐先有人理

如是者……我大力揮手落order、牛肉來到大力揮手叫人幫我開爐、大力揮手叫甜品、大力揮手拎隻叉食甜品、同大力揮手埋單

我無啦啦好似送左五次飛機

杯跟餐可樂無汽架！天呀

今次我真係搭飛機一去不返…潚潚灑灑給我潚灑的上機，痛痛快快願能痛快地別離~~~



牛肉質素唔好講，我唔應該有要求

個銅鑼燒又真係幾好味

苦中一點甜

睇完個鼻、行一陣、敗下家、遇上黑仔事，由海運大廈黑到加加拿芬道，今日又死熱

上飛E度

佢送我一堆mask

苦中一點甜

我有我癲狂之沙律醬

新開一個分類

"我有我癲狂"既構思係我一時三刻突然迷上某種味道或者迷上買某種物品

物品…未變過係…鞋、眼線、甲油(差不多色)、耳環(每次朋友見到我盒耳環都"嘩"一聲)、各地粗鹽

食物更不能盡錄，試過番茄魚湯、芥末籽、辣醬、XO醬、海鮮醬、腸粉、焗爐焗墨魚丸、Library Cafe 蛋糕

迷上後會有一段時間狂食

今星期我愛上沙律醬！哈哈

有時我好怕人將自己主觀願望、想法、加上我身上

總會係同我講乜咁都得架？下？痴線架你？你個blog應該點點點
每個人都有權選擇自己喜好
如果我無自己一套，咁我係別人唔係自己

又或者我會覺得…你理得我？

正如今日頭炮…我有我癲狂既主角係：沙律醬

近來瘋狂咁愛上，於是整沙拉骨，但都滿足唔到我

我甚至特登煎香三文魚點沙律醬、甚至撈飯

我有我癲狂！我鍾意便可以啦

沙律醬我偏唔愛配雜果做沙律咁簡單

因為…撈飯仲簡單

rock n roll never die~哇哈哈

我有我癲狂完全係自己喜好，個blog我既，我鍾意寫乜就寫乜

琴晚大少爺工作夜了少少，我食先，呢份係我既


又來沙拉骨！哈哈

愛起上來，連飯都有沙律醬！呵呵

下午茶……沙律醬梳打餅



哼

唔知下次迷上乜可以分享呢？我唔會為左寫而寫，一定係果排癲左先會集齊寫一篇

要忠於"我有我癲狂"既原意同特質

唔係周星星(附玻璃曲奇食譜)

天邊一顆閃星星海邊一顆閃星星或睡或現閃爍不停
似要悄悄 告訴這世界現實實在是幻像
你要看始終看不清


負責教兒童主日學，幼稚園級別

好多時自己整茶點比佢地

大多數.....戚風蛋糕

因為班中有小朋友食物敏感，所以戚風會係好選擇

有一個星期，我如是者拎個古力戚風出來

班小朋友話：又係呢個蛋糕？

我簡直頭頂標汗，我當年…幼稚園時…大人比乜我食乜

而家小朋友會嫌棄啊

好！痛定思痛…整玻璃曲奇！哼

曳豬



沒有紅色的，因為我最鍾意食紅色Fox's糖，所以…紅色無晒！哈哈

印模曲奇食譜 (約20件星星/心心曲奇)

牛油 100g

糖粉 60g

雞蛋 40g

低筋麵粉 200g

泡打粉 2g

鹽 2g

1) 室溫放軟牛油, 加入糖粉及鹽打至鬆發

2) 逐少加入雞蛋, 直至蛋汁完全混入牛油糊

3) 篩入低筋麵粉及泡打粉, 以切伴方法伴勻,

4) 弄成糰放入凍格雪1小時以上, 取後後碌平, 用餅模印出曲奇

玻璃做法

Fox's 果汁糖 約15粒

1) 將果汁糖壓碎,備用，當曲奇用`160度焗至轉色後，放入Fox's糖再繼續用160度焗至糖溶及曲奇金黃色
2) 出爐後要等曲奇完全涼透便可取出

* 果汁糖可以不用壓得太碎, 否則會有很多汽泡的, 每粒果汁糖約分開一半就可以

* 曲奇可以印得厚一些, 效果會好一點

* 焗的中途, 留意每塊曲奇果汁糖的份量, 如果太少可以中途加上, 不要做到"穿""玻璃哦~

焗到中途轉色我先放入糖

收成了~~~~~~(酵素)旺金出場(鳳梨酵素)

2星期前整我第二次既酵素

整紅提子味，講真我對紅色既食物飲品有偏好既

所以紅提子係我心水之一

每一日都望下樽酵素

昨日終於收到

飲落有好輕微酒味，但唔會接受唔到，帶甜既果香

一定要加少少凍水去飲

Look，好溫柔既一杯飲品

一種唔會屬於我既溫柔

酵素資料：http://blog.yahoo.com/iamtaisiu9/articles/647509/index





成了！可以隔渣

我將隔起既紅提用攪拌機攪一次，再過濾d汁放埋入去

旺旺與旺寶結合成一樽..........大旺

完成後就要放入雪櫃

今星期整"旺金'(鳳梨酵素)

delete

delete

我的美麗日記之仙人掌篇

早陣子…PR公司寄來我的美麗日記仙人掌mask

um.................

無深究其他，見到可以保濕咁就試

結果：佢恰如其份地保濕，至少我用後一日上妝都好貼，呢個係我大原則加大前提

一個保濕既mask能夠滋潤皮膚，就係咁簡單

其實我的美麗日記早幾年好hit，出過好多好多種類

我無用過

但試呢隻…都係合符理想的

大珍珍(附菠蘿炒飯食譜)

豈又此理，當我精神番，開心番時，先發現應該未完全好番，狂打"乞痴"、又瘋狂地流鼻鼻

點算？

經過兩日澳門之旅，留在家休息

出去兩日，總會令我更戀家，加上我實在太鼻涕蟲，又乞痴人，都係留在家更好

親手為自己煮午餐

大少爺買了菠蘿回家，我叫佢比個菠蘿殼我

Vanlily整沙冰，我整炒飯

我要整大珍珍菠蘿炒飯

以前黃珍珍菠蘿炒飯好出名咁，一見就會諗起

炒飯用黃薑粉炒，我鍾意有香料味、炒飯時加1、2茶匙、加少少鹽便可以了


我好鍾意食肉鬆，肉鬆配上白飯、白粥都會特別好食

整呢個惹味炒飯送比自己，哼

用Fissler鑊炒，效果好好、唔黏，d飯炒好後會跳彈床地彈彈下呢




食譜：

白飯     1碗(如多人就自己預份量)

配料任擇(我用蝦、蔥、菠蘿肉)

蛋        2隻

黃薑粉        2茶匙

鹽               半茶匙

肉鬆隨意

做法：

菠蘿切半起肉，肉可以切少許加入炒飯

先爆香肉類配料，例如蝦、肉等等，都先爆至半熟

打勻兩隻雞蛋，可以加少少鹽，然後熱鑊滾油，倒蛋液入鑊成蛋皮，加入白飯炒勻，再加入其他配料

落2茶匙黃薑粉及鹽，炒勻，灑上蔥粒

最後加上肉鬆

Day 2 @ Wynn

I'm Back~~~~~~

回家了，我總係戀家，即使2日1夜，仍會想念屋企

但今次Wynn給我一個好美好回憶，係開心既

晚晚晌間套房內安睡，我琴晚9點幾就回房間睇心戰，哈~

然後同朋友V傾下計、睇下電視就Zzzzzzzzz，講真，我係重視休息既人，即使唔睡，我仍希望早點返回我那個"窩"中

今朝帶住開心心情食早餐



其實我住既房係Encore樓層，永利內既另一building


早餐@Cafe Esplanada

個Waffle，好好味，好味得................................

第二碟仍有佢

哈！變形金剛粥，但粥底係白粥

我加鹹蛋、加皮蛋、加菜甫、加油條、加蔥，變成變形金剛


裡面有好多款式，乳酪都好多款

仲有好多鮮果，有我最愛香芒，開心

之後上房休息一陣，又午餐

去99麵

係一間北方口味既餐廳，有山削麵既


但我實在太飽，於是Order少少去試，同朋友V去share

呢個涼拌木耳，爽，微酸，木耳可去除身體既膽固醇

韭菜盒

佢似較子，但皮帶點嚼勁，Like

番茄牛腩湯刀削麵

湯唔錯，唔膩，而刀削麵少少煙un，Like

個碗係一個合桃既形狀，少少兜形

一碗香甜燉雪梨

個花瓶好靚，動物既身驅呢



睇下房

永利分兩幢但相連既，兩幢唔同設計，永利用啡色為主

有套房，又有普通房

下圖九幅圖係最豪華既大房，其實9幅相都未影晒

一間房3000呎，有廚房、娛樂室、spa 房，兩間睡房、仲有男士、女士洗手間，勁

我住既係萬利，2010落成

房間以紅色為主，全部都係套房

而每間套房個view一樣，望海既，永利老闆MR Wynn寧願每間房大間d，都只係用一邊做房

因為另一邊佢覺得景唔靚

Encore(萬利)內個spa，我極欣賞，可惜我當初講明唔做spa，後來有點後悔

因為極高私隱，每間spa房有齊桑拿、浸浴，按摩，全部只有自己一個，唔會有外人

佢地重裡私隱，所以即使我去到都唔可以影相，我要既就用官方相

因為唔希望騷擾到客人

好！最後我想講下永利酒店，原本我去過兩次.......睇發財樹

但我從來無細心欣賞過永利，今次我卻發現每一樣擺設都好花心機

MR Wynn好放好多自己心頭好既藝術品

每一面鏡都有少少水晶點綴，每一個角落都可能有珍藏

佢好重視Balance，每間房都有兩個洗手盤，成雙既，一個好整體既感覺

每一間餐廳裝修、擺設甚至用具都係佢同設計師心血

以下呢對人像晌Lift口，係左右一對

Encore大堂唔算大，最特別就係琴日post過既水母池

大堂有一個大水晶燈，裡面無燈膽，靠側邊既燈既反射

我超愛，裡面係唔同形狀既水晶

有鑽石形、欖形、圓形，好靚




每層大堂，都會有唔同既擺設

一憶元既清朝花瓶

 

謝謝永利酒店邀請，我同朋友V都好開心

一個非常好體驗！謝謝

及多謝照顧過我既staff，very nice