大少奶's Delicatessen: 9月 2007

2007年9月27日星期四

重逢

嘩！終於重逢喇！
整番好就算罷啦！當中勞氣事就忘記吧
經過連日煎、炸食物加埋不停食牛肉
明明不停食熱氣食物、不停會燥熱牛肉，塊臉一粒瘡都無就以為無問題
終於爛喉嚨~喉嚨痛、聲音啞
噢！
呢個南瓜糖不甩係做節既甜品
又一南瓜傑作呢！哼！

2007年9月25日星期二

中秋節快樂之斷線

而家晌朋友屋企
家中寬頻出現問題、經初步檢查係大廈寬頻機樓既問題
預約星期四師傅再維修
I'll be back!!!!!!!!!!!!
送你地....南瓜蛋白椰汁布甸

2007年9月24日星期一

中秋節快樂！！！

用幾米既月亮忘記了其中一幅圖畫去賀中秋
每個人對月亮都有唔同心情與體會
每個人都對月亮有一套睇法，你既感受未必係我能夠領略
不過...........
我呢一刻只想同大家講聲：

中秋節快樂！！！

我學蛋糕既生涯上，最成功最多人賞識既係一系列既戚風蛋糕
因為打蛋白係我強項，所以蛋糕非常鬆軟
但呢段時間要禁風
至高無上親愛的菇奶奶(Auntie goo菇姐)放大假、下令我唔准整戚風蛋糕
我近幾個月整戚風就會有風
1)我八月有次整戚風，網誌標題係：想和你戚戚風，結果：打風
2)當以為颱風遠去時，我整德爾哥比風菠蘿蛋糕，打算送比索龜GG
當個蛋糕出爐、放涼、入盒預備出門口時
就8號風球，個遠去既風居然回頭
3)八月尾我狂整唔同口味戚風蛋糕，香港風平浪靜
但晌我去日本前兩日，東京九號風球
而且另一個風亦吹向日本
好彩後來個風轉向(一額汗)
4)早幾日秋香兄弟生日我整德爾哥比風菠蘿蛋糕
跟住星期六因為親友喜事，就連做幾個戚風與姊妹團分享
結果星期日就打一號風球
至高無上親愛的菇奶奶就警告我晌佢大假期間唔准再整戚風蛋糕
連表弟到訪當日都同佢女友講：你唔想返工果日叫表姐整戚風蛋糕啦
噢！我既拿手戚風蛋糕變成【邪風】
放心！放心！呢個蛋糕係我早兩日整既，見脫模脫得靚先post既~

P.s 當然能夠阻止我做戚風只有
菇奶奶一個，其他人.....哼！
我呢種非一般有性格既人，越叫唔好我越要整，小心！！！

2007年9月22日星期六

快樂冰皮

我晌屋企正在整緊嘢，為明晚參加既婚禮而作出準備
但都好想出篇blog
一年容易【月餅節】
月餅對我來講好多回憶，爸爸生前係月餅達人
佢可以一個中秋食幾盒月餅，一有月餅賣 (早於8月)開始就買嚟食
一盒七星伴月放晌屋企，一個下晝就會唔見中間個大月餅
佢仲要買親都買3黃白蓮蓉，我大家姐成日叫佢唔好咁食法，但無佢符
而我就覺得老豆食得開心、食到好滿足既樣就由得佢，我覺得佢好好笑！
當然我唔會咁食法，我仲要keep住有靚衫著，唔要好瘦但求著得到靚衫
今年好開心，開心係因為表弟送一盒冰皮月餅比我，係米奇老鼠冰皮月餅
一盒有8個迷你冰皮月餅、有4款唔同口味、一個米奇老鼠月餅盒同米奇保溫袋
剛剛試半個迷你士多啤梨冰皮月餅，好好味士多啤梨味
表弟送既令我特別開心
唔駛話我知有更好既選擇，因為表弟送，我覺得係最好！

2007年9月21日星期五

我

我...都唔知點解我會忙成咁

我...明明安排得好好，但總有好多事去做咁

我...點解好似未停過

我...幾時先可以停下來

我...到底係邊個

我...到底講緊乜

我...今日要為自已做番點事

就算得半日安靜都要為自已做到最好))))))))))))))))))))))))))))))))))))))哼！

因為睇咗親愛的冬菇講漢堡包，我就好想食

我想食自已整既漢堡包，充滿肉汁，噢！

今日屋企無晒蕃茄但都那麼愛你為什麼啊！

仲有不經油炸既焗星星薯餅~

雖然個包係嘉頓貨色，但放入焗爐焗過效果都好好，若愛上你怎麼躲！

1)首先買免治牛肉、好似平時醃肉既調味加少許洋蔥幼粒、最重要加隻蛋

2)順時針方向攪一陣、再放入保鮮膠袋、輕力撻至起膠

3) 可以晌膠內整造型後放雪櫃15mins

4) 煎牛肉猛火煎香表面封鎖肉汁、再較慢火煎至熟透

5)隨意配搭醬汁、配料

2007年9月19日星期三

High tea @ Harlan's

我上年曾晌 IFC 既Harlan's食Lunch，環境好、又舒服

約$260既半自助午餐非常好味

記得當時我食完lunch見到其他人既 high tea set精美，留下好印象

所以我提意今日選擇到呢間，鹹點好出色啊

玉桂酥條

brownie

cheese cake

栗子蓉 macron內藏士多啤梨

Fruit tart , Lemon roll

非常好味既鹹點

雅枝竹配墨西哥醬脆撻...我同蔡蔡子激讚

Scone...新鮮

三文魚多士...好味

牛柳薄餅..好好味

2007年9月18日星期二

陳唱K

愉快既一日，今日約咗 咪咪吉，先去上壽司食Lunch、行街、唱K
其實我仍然好攰，腳痛話明唔行街，但我又點會唔睇鞋
睇中一對Prada 高跟鞋蠢蠢慾動之際，有智慧既蝦蝦吉就比好中肯既意見我
講完一番說話後...令我原本買既念頭消滅，大少爺簡直要多謝你！
之後去唱卡拉OK，佢擁有音樂造詣唱歌好就預料得到
但佢用佢流利既日文唱日文歌，簡直勁！
我同佢再合唱making love out of nothing at all 簡直超經典
我同佢兩個都姓陳，兩個陳唱K

壽司套餐

芒果鵝肝卷

天婦羅南瓜、蕃薯
照燒雞亦

之後到 Newway唱K

我飲Pussy foot、純情
蝦蝦吉飲 fruit punch
叫兩碟小食

To:
蝦蝦吉
今日我好攰，無乜心機但好開心
你好快d度個期陪我去買另外睇中既銀色高跟鞋
多謝你既小禮物，另希望你鍾意我送比你既小手信
總之對住你超開心

蝦蝦吉送比我既小食，有我最鍾意Biscotti同芝麻大福

*聽日就開始一連串去High tea、tea、飲宴前後準備、做節、再high tea、再tea既忙碌日子
但願我可以快d攰完啦！去5日旅行要抖成個禮拜咁滯

2007年9月17日星期一

清香

若干年前....晌香港初盛行抹茶味甜品既時候
我食過一個好澀既抹茶雪糕，自從我就完全封殺抹茶味既甜品
甚至去到日本都唔食
但上星期晌東京見到抹茶軟雪糕又想試，點知........
一食就愛上
好彩經高人指點，我臨上機前都買到包抹茶粉返嚟
早幾日表弟嚟我就整咗個抹茶雪芳蛋糕
琴晚又忍唔住整 Green tea souffle，兩款都好清香
噢！不能自拔地愛上抹茶味甜品~
↓每次都唔夠佢快，次次都只影到下塌既模樣

我依然好攰，休息埋今日就開始出動
星期五、六、日仲要為大少爺親友婚禮作出準備、下星期又到中秋喇~

2007年9月16日星期日

好糯

明明有秋意，但呢兩日又變番悶熱？？？噢！！！
前晚煲咗--->南瓜紅蘿蔔栗子粟米紅菜頭牛蒡瘦肉湯
同整生炒糯米飯
立心學整既原因街外既太油喇，自已整可以減油份又可以增多或減少配料
我就只用蝦米、瑤柱同瘦臘肉去整，面頭既花生係買包鹽焗花生放上去
用易潔鑊都唔太難整
下次我打算整"糯米飯焗蟹"，哼！
休息埋聽日又開始忙去街喇！忙會友喇！呢幾日攰到腰骨都痛埋

食譜：參考自 bon bon kitchen
糯米 400g
配料：瑤柱、臘肉、蝦米、花生、蔥粒(可自選配料)
汁料：
酒半湯匙、生抽一湯匙、糖一茶匙、老抽半茶匙
做法：
1)糯米洗乾淨浸水 4~5小時先瀝乾水份，再浸熱水半個小時再瀝乾
2)燒熱鑊加油爆香配料
3)將糯米兜炒，邊炒邊灑清水，水乾後再灑水，重覆灑水至糯米熟透
4)將配料回鑊與糯米飯炒勻，下汁料快手兜勻熄火，灑蔥花！

2007年9月15日星期六

愉快

今日表弟同佢女友到我屋企暢聚
不過…我旅行完身心疲憊，無準備太多
只係整易煮既嘢
成個下晝就不停研究整蛋糕、笑同鋤dee
而表弟女友親手整一個好好味既 Tiramisu
但為尊重佢意願我唔post上嚟
表弟係一個炸物人，佢上嚟唔少得炸物

黑椒紅酒牛仔骨

蜆肉意粉

表弟必定點既心太軟

To:
表弟,你既生日禮物我要後補，請見諒！好快補送生日禮物比你
To:表弟女友,你多啲上嚟食飯、飲湯、玩、整蛋糕、同陪我笑啊！我覺得你好可愛！
多謝你倆位既月餅同帶比我一個愉快週末，今日待慢喇！
下次一定全力整豐富晚餐比你倆

2007年9月14日星期五

回歸

今日忙於洗衫、仲有煲湯、煮飯
晌日本經常想飲湯，琴晚落機喉嚨都好乾
亦決心今晚要煮飯，問大少爺想食乜餸後
就買材料煲湯、預備餸菜
湯係...南瓜紅蘿蔔栗子粟米紅菜頭牛蒡瘦肉湯
好甜呢！

紅菜頭 Beet Root
功用：
補血、協助肝臟細胞再生，有解毒的功能。紅菜頭含豐富的鉀、磷、鐵及天然紅色維他命B12，是婦女和素食者補血最佳天然營養品。它的纖維頗高，亦能幫助消化，促進腸胃蠕動。

近年醫學界更將甜菜根的多營養特性用於癌症病患實驗，其結果及紀錄均被刊登，可見紅菜頭的價值和療效也逐漸被證實和廣被運用。