Happy 2012

好記得年頭時大病了兩場

病到年初二都要去搵醫生睇

估唔到2011年最後一日，仍被病抖纏

感冒每次都把我折騰

人人三幾日會好的，我就起碼睇兩次醫生

相信幾個鐘後我會因藥力而呼呼大睡

所以先向大家講聲新年快樂！

2012係一個未知數，希望大家會喜歡我新書

仲有希望....快樂

擁有快樂即包含我所有都滿足了

希望大少爺身體健康工作順利

我所有朋友都繼續同我happy together(包埋睇緊既你)

表弟先生生生性性唔好再咒我電腦壞同唔好學舅母成日催我生仔

新書希望大家會喜歡，係一個大分享既書

希望我皮膚仍有彈性，繼續shopping

不過…所有都係上帝安排呢





今日病到我仍然乜都做唔到

大少爺又要去公司既比臉派對

但教會姊妹煲了瑤柱果皮白粥同幫我預備埋配菜

這份愛好感動，我們愛，因為神先愛我們

Thanks God

又中招

發燒中，喉嚨痛到呑囗水都痛，好辛苦

半夜喉嚨痛到醒，瞓唔到

幸好。。半夜余宜發全晩播Anita mui 既歌

瞓唔到都有好歌聽

無力了。。。呢場病將我呢幾日安排好節目粉碎

小型聖誕的小型主菜及甜品

今日有d頭痛

講埋聖誕餐既主菜

栗子蓉檸檬黑椒雞卷配黑松露意粉

話。說我做書時，不停要諗菜式，跟住諗到整雞卷

最方便既方法用雞扒，其實我一向少買雞扒整

或者我覺得一塊雞扒淋d汁唔太吸引到我啦

於是諗到不如整雞卷

然後衍生到聖誕配栗子蓉丫

果然不出我所料，栗子蓉好味！但係呢…下次要一半蓉一半栗子粒好d

因為卷時好難卷、全部栗子粒又怕一切會跌晒d栗子出來喎

卷起後用繩札實，去焗，雞扒醃都容易，用一個檸檬皮、鹽、黑椒就已經ok

哼~呢個雞卷,so good

個黑松露意粉無難度，用黑松露醬配意粉，個意粉唔多需要其他配料，因為黑松露醬已經好香



黑松露醬今次係sponsor既


佢價錢比city's super賣既平$100，但好香，都幾抵食

仲送我牛乾菌醬用完話比大家知個味道

有興趣就去Website : http://www.viva-italia.com.hk/

黑松露醬 Black Truffle Sauce 90g $93 each

甜品又係sponsoe fr OiSix，佢送比我既聖誕禮物

個cheese cake酸酸地，唔漏

今年超累既我只做了一做簡餐，明年聖誕要攪大佢！

小型聖誕餐之.....優油

噢~假期完了

呢個假期我同大少爺喪行街

我同佢真係好鍾意行街

但唔鍾意睇戲，哈

有時覺得好感恩，我有個愛shopping既爸同老公，然後造就我呢個更加瘋狂既人

今個聖誕，只整過一個小型聖誕餐

無辦法，我其實好累

之前做書已經精力耗盡、跟住做冬又攪一大輪

好想好好休息，但又唔想荒廢自己一雙手

所以，我仍然會邊叫累、邊攪攪陣的，哼~

小型聖誕餐既小型頭盤…焗蝦多士

跟本大家都唔會陌生，我將所以炸既都放入焗爐去代替

但係我想講…個蛋黃醬好好味，哈哈

同埋會次個包底搽一層油，要充份，所以呢個進步版我比佢滿分，好脆呢

雖然要搽油，但都比炸既少油呢

所以無論呢個blog或書寫過呢個蝦多士，我仍覺得抵寫既，哈

我仲試左將銀絲卷輕輕搽一層油去焗，做成炸銀絲卷既模樣

從來都唔會逃避自己喜愛的，例如…我愛香口食物，又唔想自己炸，但唔會逼自己話自己愛清淡

我會用盡方法去整出同一效果既比較健康版

今次本書既食譜都係差唔多方向呢

reenex膠原自生​療程 (part1)

今日顧客服務熱線先

話說reenex搵我做臉，當然我咁貪靚唔會扮清高唔接受啦

仲有少少開心

因為老實講…我唔會亂去試野

否則試完唔通去彈人又無可能，去讚更加唔得

所以我只會接受信得過自己又有興趣既

而且…我並唔會用天上有地下無既方式去寫blog，用體驗既心態去試

今次reenex邀請做鍾楚紅個做代方既4個皇牌療程 (價值$7,430)

做在第一次STEP 1：CPS，更生肌膚，回復健康更生週期

um....今次係用測試皮膚同做果酸，果酸係做少量既

第一次望落無乜分別

做facial要先潔臉，落妝後先做，結果…我做完又懶唔再化妝，要澎澎聲返屋企，好老實做完個樣唔會即刻變靚架

個皮膚會有少少改善，做完果酸再有一個mask做，感覺皮膚滑左dd

同埋呢段時間特別吸收，所以趁呢段時間緊做mask係有幫助呢

唉...最怕做皮膚分析

以下張圖見到好多格仔，多格仔係好，皮膚膠原健在

你見到右上角有d光澤，係角質來的，咪以為真係光澤啊

呢張圖好多格仔，少量角質唔錯！

好可惜…係隻手囉！唔係塊臉囉

我額頭仲係最差既位置！十個"橙"(慘)啦

但美容師話我唔算真係好差，有得救既！嗚~~~~~~~~~~~~

佢又係北京道一號，我做mask期間成日偷望街，哈

(人地要合埋眼既)

好期待餘下三次，之後係d改善皮膚既treatment

我會繼續報導…呢

大家可以click以下既link，有體驗treatment try try

http://www.reenex.com.hk/edm/201112/RBLOG1211M/Form.aspx?ref=RBLOG1211E

第一道…湯

Boxing day快樂

你今日boxing未？

聖誕仍然好忙咁

琴日返教會崇拜、然後晌教會都係忙

到3pm先返到屋企，日落前做一餐小型聖誕餐，夜晚再同大少爺出TST行街揀禮物同晚飯

好多人，人多到不得了呢

小型聖誕餐唔太製作但都花心機

我覺得慶祝節日其實係生活既小小情趣

一年365日無高潮迭起去過，會好悶既

節日花d心思，對自己係娛樂一種呢

哈~我決定分開放post，今日先post一碗好暖既湯

係法式洋蔥湯配Yorkshire Pudding

Yorkshire Pudding晌hugo's食過，超愛，就搵食譜自己做

um.....感覺都差好遠呢！不過不失但又唔夠好味

睇來要繼續努力

富貴雞大成功

我覺得自己好癲，將自己出外食過既都返屋食整一大餐
但個滿足感真係好大
富貴雞無諗過自己整到

仲可以講係我今年最滿意作品

滿意係因為再一次挑戰自己

今次我值得大..................哼~

呢個方法叫…煨

隻雞會好鬆化

去北京樓食既時候，無諗過自己整到

裡要有梅菜、肉絲同菇

惹味呢


連骨都鬆化架

自己無辦法用泥，所以用麵粉、酒、水、鹽去搓個糰去焗2個鐘

焗完係硬實實

我無北京樓個鎚仔，只能夠用匙叩碎呢

冬至無影其他，因為隻雞都夠我興奮

冬至快樂！休息下食湯丸呢

Merry Christmas~

Merry Christmas

唔知點解，今年12月好似特別多人

我如往年一樣都有影聖誕燈飾

但係今年好似無乜心水

Time Square既 Barbie其實我都幾鍾意，我鍾意d girlish既野

但我影極都影到人

IFC我覺得唔算太靚

海運大廈太卡通化

我今年最鍾意係PP，真係好靚

我都希望擁有咁大支化妝掃

呢個係我最最最鍾意既！我就係愛呢個style




我姨甥仔話隻眼係魚，哈哈

但轉頭佢篤我隻眼，意思…姨媽塊臉都有條fish

呢個bear bear係用奶咀砌成的

聖誕一定要再講：耶穌愛你！

Merry Christmas

各位…聖誕快樂~

呢個係我一年中最愛節日

以前因為覺得聖誕好靚好繽紛

而家就因為聖誕真正意義

唔知幾時開始，聖誕變了聖誕樹、聖誕老人係主角

但我知…呢個節日紀念主耶穌

耶穌愛你

富貴雞既進化過程(完成品今晚揭曉)

富貴雞進化過程

今日冬至！冬至快樂

一直好期待今日，因為我要整富貴雞啊

其實想試好耐，但到底面層既泥點算呢？

結果…比我搵到個代替方法

一樣有層殼，一樣要叩開

但唔使用泥呢

好緊張

而家放佢幾粒鐘，希望我個漿開得好，會成功啦

無鮮雞賣，琴日去City's super買左隻澳洲白雞
百幾蚊

但今日聽講d冰鮮雞都係呢個價？咁我揀隻外國入口都差唔多呢

食過既都知，裡面係有餡料既

有梅菜、肉絲同埋我加左d菇、蝦米等等

隻雞要預先風乾一晚，咁樣隻雞會皮薄d架！

再用薑汁酒、老抽麻油內外搽勻，再風乾幾個鐘

塞晒入餡料去封口同荷葉包幾個鐘，再做個泥漿鋪面焗兩個鐘

睇到嗎？個皮風乾一晚後會薄身d，焗起上來會好食d架

其中餡料呢！隻雞睇落唔係好大隻，但都塞得晒成碗肉絲！勁呀！

今晚會有製成品！希望成功見大家


最後…成功地整得到，成功版可click----->    http://blog.yahoo.com/iamtaisiu9/articles/608597/index

唔見雞

一覺睡醒後…無雞賣？知否世事常變，變幻原是永恆~~~~`
噢！我買定晒d材料返來做冬整富貴雞
即係北京樓要用個鎚仔叩開個外殼既呢

但我唔係用泥，至於用乜去整，聽日先話你地知

一早起身焗蛋糕，點知全軍覆沒，我接受唔到囉！哼(好嬲既哼)
激死我喇！
見到覆沒既蛋糕，我仍放晌焗爐裡面唔想拎出來
家陣我發緊脾氣中！激死我

好！講下唔記得幾時一個人午餐

係炒飯！無睇錯！

但我用左台灣買回來既烏魚子、紐西蘭買既喜瑪拉雅山既岩鹽、日本oisix空運既雞蛋、同埋買菜搭既蔥

加上泰國金米炒既
再加上事頭婆送我既生日禮物Franc Franc今季新碟一隻，vanlily送我無印餐墊

係咪即時覺得唔係一般炒飯？

哼

台灣手信，我托菇奶奶幫我買

可以搽一層紹酒，去烤做小食

亦可以炒飯，鹹鹹香香咁

大約$160~$200兩條！所以我碟炒飯唔平架！哈

delete

delete

繼續生日飯@ Whisk

12月對於我來講係好開心既節日

因為生日月+聖誕+做冬

所以好忙，加上之前做書推卻好多聚會

攪到而家不停都係見朋友

但真係好開心

呢幾日仍然忙於食慶祝飯，今日、聽日、後日都係啊！忙~~~~~``

你地睇住外食篇先啦！好乖既

星期六同兩個靚女去食lunch@ Whisk，哈

晌美麗華酒店五樓


頭盤：鴨肝醬

呢籃包都好味

My 牛牛，我每次都控制自己唔好食咁多牛，每次都失敗！噢~




靚女C既 main course of the day~

靚女C既 甜品，係荔枝泡沫

我同靚Mee既 Dessert of the day，但感覺有d似印度甜品，有件麵粉炸完再索糖水

有Petit four, i like it~

餐廳送我既生日古古力！

多謝靚C and 靚mee，love u

禁餅

喂喂！呢隻餅唔得掂

係焦糖麥維他

一食會令我進入瘋狂狀態

裡面有煙un焦糖，但又唔算好甜

總之就十八禁！認住佢

見到佢個樣我都忍唔住，如愛焦糖者，慎重考慮，佢會令你不停KO佢

焦棗

近日都係忙於食生日飯

今日又食完一餐，下星期報導

但其實好快又要預備做冬

跟住又要預備聖誕

再跟住呢…總係好忙咁

我仲book左做個膠原再生既treatment、同敗家仔慶祝聖誕

同我好友Fiona、Kathy吃喝玩樂同shopping

同呀妹食Tea

見下個表妹，同埋個表弟先生

仲有教會事務

即使我忙完本書，都總係好忙

但我堅持，就係屋企

無論點我都要屋企為先

仲有…我好耐無好好送過自己整既食物比朋友

總係一連串活動將我推到去好累既邊緣

今個聖誕，我要好好重拾當日既情懷去做蛋糕送比各親朋戚友

上次我生日會vanlily帶來一盒焦糖蜜棗蛋糕，好搶手，我只食左一啖就讓比我心愛既姨甥仔

今年我決定做呢個蛋糕，呢個蛋糕超級好味

有種好獨特既味道呢

不過…要減糖，90g太甜，我覺得可以減到60，因為焦糖同蜜糖都好甜呢

哼~我終於團火又再燃起鳥

因為有焦糖，個色好靚啊



多謝餅神vanlily提供

食譜 (高木康政的四季甜點)


無鹽牛油 100g
糖 90g
蛋 100g
蜂蜜 10g
泡打粉 2g
低筋粉 150g
蜜棗 180g


焦糖:
糖 50g
暖牛奶 100g


做法
1) 煮焦糖: 中火將糖煮至溶, 至焦色後熄火, 牛奶分數次加入
放涼備用


2) 製作麵糰: 室溫牛油和糖打至變白
3) 蛋分數次加入拌勻, 再加入蜂蜜
4) 篩入低筋麵粉和泡打粉拌勻
5) 加入(1)的焦糖醬
6) 再加入切碎的蜜棗拌勻
7) 180c 焗20-25mins

BiRthdAy Lunch @! Hugo's

多謝各位既生日祝福，每年生日收到祝福係好開心既事呢

晌生日前一日，我將全部稿做起晒，過一個無負擔既生日

今年生日晚上有個party，係聖誕加我生日party，所以決定等大少爺放假再去

講開迪迪尼…有打算大少爺入迪迪尼過生日，有朋友話迪迪尼正做 Toy story，就話同"有關方面"傾可能會有票

擾釀一輪後，心諗：我鍾意去迪迪尼，本打算買年票，跟本唔需要人地比票我

年票我同敗家成員一齊買可以一齊自由時間隨時入去，無謂浪費我時間傾一堆無結果既野

時間對我來講好重要的，唔需要有關方面所謂安排而去浪費我時間呢

好！講番生日，Bithday Lunch @ Hugo's

餐廳景點…大鐵人

頭盤係自選既，有部餐車任你揀的

我揀既全部都覺得好味！呢類貴精不貴多，正合我心意

包…合符水準之作

主菜：要牛既話會有即切燒牛肉



Wowwwwww，你見到一個類似酥皮既，其實唔係酥皮

係一個好味既食物yorkshire pudding，

講唔出味道比你知，但索了汁後超好味

反而牛又未算太突出

羊脾........好嫩，羊有羊味但又唔係臊，好味

甜品會有另一部甜品車，任揀一款

呢件拿破侖繼我晌Sabatini後，又一令我好感動既拿破侖

好味到不得了！連我平日唔愛custard，但都好好味！超愛

呢杯 iced tea茶味好得





我最愛有petit four ，細個爸爸飲咖啡就會分petit four比我

做成我對petit four有種喜好

每逢一餐之後出現一塊小甜餅或小小糖果，我會認為完美

呢樣我會視為飲食藝術之一呢

夜晚有個生日party，只供私人FB睇，唔公開喇！總之感謝天父，送我好多天使

Thanks God~