之前提過收到9張喜帖，最近收多1張，共10張
今晚既飲宴已經係11月最尾一張，已經完成11月份6餐喜酒
緊接12月1號就係12月第一張帖
而今晚既喜宴比較重要，因為係我好朋友，兩點就去觀禮喇
post番琴晚既晚餐啦！呢碟其實同魚香茄子做法一樣，不過無鹹魚
所以我就稱佢為"肉未辣醬炒茄子"，其實肉佔少，加入蒜頭、豆辦醬一齊炒
其實，我鍾意馬拉盞炒茄子，每次去新加坡都會買番來，但大少爺話煮完廚房一大陣味
所以次次買完煮一次就送比人，馬拉盞炒茄子係我祖母居新加坡時學整既
我對馬拉盞及新加坡有濃厚感情呢！
炒茄子係平凡既菜式，但當飲宴頻密的日子，炒茄子反而係我最渴望食到
而且.....呢個菜式顏色深深既，大少爺又再次揀唔番蒜頭出來呢！
1710hrs: 晌飲宴場地-ing,尤於唔打麻雀所以到pacific coffee上網
其實個茄子用好少油，只用一茶匙油爆香肉碎、再加茄子，加少少水蓋上鑊蓋焗一陣就熟
咁樣唔吸油，落太多油茄子會吸油更會爛既
(而家我開始準備出門口，所有留言遲d回覆，敬請見諒)
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾