琴日原定要飲宴 ，跟住下晝覺得頭痛就食粒藥瞓咗陣晏覺
起身頭痛消失但就無精打彩，結果......就只由大少爺代表一人去飲宴
而我就懶洋洋地睇電視直至夜晚八點肚餓
就晌雪櫃拎一包金錢牛展加埋洋蔥、蒜粒做煲仔飯，另加煲仔飯豉油、煎蛋
用金錢牛展既好處唔肥但又唔會韌又有牛肉味
當打開煲蓋時真係同街外煲仔飯一樣香，因為我煲到飯底焦黑(係意外)
好彩我煲多咗煲一碗飯份量，如果唔係就無得食
而配菜就用西蘭花，明明自已一個人都係要砌好西蘭花
好鍾意將西蘭花砌到好係盆栽咁
其實冬天自已整煲仔飯幾好起碼可以揀自已鍾意配料
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾