古惑雞

星期五都鍾意出下令人見到開心嘅post

本身想出另一款但怕影響大家個假期😂所以留返下星期

呢個古惑雞好好食，全靠...我晌donki買咗包日本炸雞粉，佢做出來味道同質感好似日本便利店炸雞

我係用雞柳去炸，出來都做juicy！當然係我識醃塊雞柳所以唔會變鞋底啦！哼~

呢隻粉做出來既脆皮都幾夠脆，當然炸食物油溫好重要

Anyway，大家週末愉快

食譜：

雞柳    2塊

蒜頭   2粒(磨蓉)

糖   2茶匙

鹽   2茶匙

生粉或片栗粉   適量

炸粉    1包

做法：

我好鍾意食雞柳肉，無論炒、焗、煎、炸都係用大塊雞柳

要佢唔變鞋底好容易

首先洗淨雞柳抹乾水，用刀大力一拍令佢略為扁身

然後切件，今次做炸雞所以就切大粒少少雞粒

先用糖撈勻佢靜置幾分鐘，就可以加鹽及蒜蓉撈勻

加上片栗粉或生粉撈勻醃佢2小時

如果我用來炒就會切片醃法都相同

donki買大約$12包

有教點整，不過最好要醃肉先，靠佢只會外皮有味裡面無味

跟指示開炸漿

放雞入去撈勻

炸至金黃色就done