Bear Bear 樂園

無心情整任何嘢，好想靜靜地咁休息下，或者身心都需要休息一下

我選擇縮埋一舊，每次我好唔開心就會瞓上床縮埋一舊，直至平復心情

早幾日到bear bear舅父屋企，舅父經常話好耐無見我

數起都有幾個月，我都好掛住佢同舅母呢

舅父一家由加拿大回流後，算係我晌香港最親既家人

點解叫bear bear舅父？佢好似大bear bear囉！

曾經好幾次我因為舅父講既說話笑到喊！笑到喊係一種幸福呢

另一幸福係我好鍾意食舅母煮既食物，甚至小食

早幾日同呀妹diana講去舅父屋企，佢居然問：你又食腐皮卷？

哈哈~~~無錯！仲有…又係粥同炒米粉

每次舅母都會問我想食乜？

連舅母聽到都會話：你又食呢幾樣唔悶咩？

舅母炒既米粉好好味

心情的確唔太好，但睇番舅母為我整食物感覺好warm

我要好好珍惜任何愛錫我既人，唔要再有任何錯過

好似我為Lost寫既文章其中講到：

錯過這兩個字的確與後悔有相連
錯過是明明你能夠把握，但可能因天時地利人和的關係而給他流走

錯過是多麼無奈